Mat. 11:1 - Manobo Sarangani

¹ Penga te pegtoladà i Jesus te sempolò teg dowa tinoledaan din, timeped sikandin te menge lonsod medapag amon megtoladà te otaw kidoen.

Mat. 11:1 ပူးပေါင်းရင်းမြစ်များ

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Luc. 8:1

Wedà kenamay, miglegeb si Jesus aw timeped te menge lonsod aw doma ogpeanan. Migtoladà sikandin te menge otaw te Mèpiya Indan tepad te peglowan te Timanem. Timaking heman kandin se sempolò teg dowa tinoledaan pinemallì din.

Mat. 9:35

Nayan, miglegeb si Jesus doton te kedita te lonsod aw doma ogpeanan, aw migtoladà kidoen te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw migpegolì te kedita te otaw doen mesakit.

2 Tesalonika 3:10

Peg-ogpà day doton kenyo, seini se impunù day kenyo. Ikà niyo egpemekaen te otaw eked keibeg megterbaho.

2 Tesalonika 3:6

Menge kedowa day, seini se ipunù day kenyo pineokit te ngadan te Pengolo tadon si Jesu Cristo. Aw tekahen se otaw egpemenal aw kenà egtolò te impunù day kenyo, ikà niyo egdoma kandin.

1 Tesalonika 4:2

Netegahan niyo den se punù day kenyo ingkeliwat day lekat te Pengolo tadon si Jesus.

Ininang 10:42

Insogò kay din amon megtoladà kay te Mèpiya Indan tepad kandin diyà te menge otaw, aw amon meg-indan kay te benal si Jesus se pinemallì te Timanem meg-okom te kedita te otaw, pengkey nematay aw wedà pa kematay.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Juan 15:14

Aw tomolò kaw te menge punù ko kenyo, sikiyo se menge sigalak ko.

Juan 15:10

Aw tomolò kaw te impunù ko kenyo, yan ketegahan niyo te dakel se pedowan ko kenyo, iling te timolò a te impunù te Amay ko kanak, aw netegahan ko te dakel se pedowan din kanak.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Mat. 7:28

Penga te pegtoladà i Jesus, ontò nepela se kedita te otaw nenenalan te pegtoladà din.

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

1 Timoteo 6:14

Tolò ka te impunù kamno amon wedad palos kemalì no aw wedad isila kamno lamig te aldaw te peglikò te Pengolo tadon si Jesu Cristo.

Mar. 6:12

Penga niyan, nesayo dan. Pengkey kenan dan pesalo, migtoladà dan te keilangan megselsel se kedita te otaw te salà ininang dan.

Luc. 23:5

Meneng labi dan pa migleges kandin, kagi dan, “Gayed sikandin egsamok te kedita te otaw, so yan se ipegtoladà din kidoen te kebelad te Judiya, lekat te Galiliya taman dini.”