Mat. 10:5 - Manobo Sarangani

⁵ Yan se sempolò teg dowa tinoledaan insogò i Jesus, so doen impunù din diyà kandan, kagi din, “Ikà niyo egdoton te menge ogpeanan te menge otaw kenà Judiyo. Ikà niyo heman egdoton te menge lonsod te Samarya.

Mat. 10:5 ပူးပေါင်းရင်းမြစ်များ

Juan 4:9

Ontò nepela se bayi, so doen ketanem te menge Judiyo te eked dan kaen aw inem diyà te telepagan te menge tege Samarya, aw eked dan heman pegdoma kandan. Yan minikagi se bayi, “Sikona se sakop te Judiya, aw siak se sakop te Samarya. Nengà lay nemoyò ka kanak te wayeg inemen?”

1 Tesalonika 2:16

so migsagda dan te pegtoladà day te menge otaw kenà Judiyo te mekelowà dan lekat te salà. So egsagda dan te pegtoladà day, egdogangan dan se menge salà dan. Meneng agpet den dan detengan te pelumun te Timanem.

Luc. 17:16

Limongken diyà ki Jesus, aw migpesiontong heman sikandin. Tege Samarya se otaw sìyan.

Ininang 10:45

Ontò nepela se kedita te Judiyo timaking ki Pedro, so dimateng heman se Espiritu Santo diyà kandan pengkey kenà dan Judiyo,

Luc. 9:2

Penga niyan, insogò din dan tomeped te menge doma ogpeanan amon megtoladà dan tepad te peglowan te Timanem aw amon megpegolì dan te otaw doen mesakit.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Juan 20:21

Penga niyan, todà minikagi si Jesus, “Ibeg ko melinaw se pedowan niyo. Iling te pegsogò te Amay ko kanak, yan isogò ko den heman sikiyo.”

Juan 7:35

Pegdineg te menge obanen te Judiyo kenyan, migpeinsaay dan, “Kenan lay pesalo sikandin te eked tadon kitai? Domoton lay sikandin te mediyò lonsod eg-ogpaan te menge Judiyo nesakop te kenà Judiyo amon megtoladà te menge otaw kenà Judiyo?

Juan 4:5

Peg-ipanaw dan, dimateng dan te lonsod te Sikar sakop te probinsya te Samarya, medapag te tanà imbegay i Jacob diyà te batà din si Jose gebii.

Luc. 10:33

Penga niyan, doen mepanaw tege Samarya kenà Judiyo dimateng doton te Judiyo sìyan nepelian. Pegkità din kandin, ontò din neidowan.

Mat. 4:15

“Se kedita te otaw eg-ogpà doton te tanà te Sabulon aw Neftali, aw doton dapag te kilid te lanaw, aw doton dipag te wayeg te Jordan, aw doton te Galiliya eg-ogpaan te menge otaw kenà Judiyo,

Ininang 8:1

Tinandù i Saulo se pegpengimatay dan ki Esteban. Inlebeng te menge otaw egpenimanem se lawa din. Ontò dan migkelag tandà te lano dan kandin. Lekat te aldaw te pegkematay i Esteban, ontò pinemilang se kedita te otaw egpemenal doton te Jerusalem. Yan nesayo dan aw migbilit-bilit dan doton te menge lonsod te Judiya aw Samarya. Meneng mig-ogpà pa se menge sogounun i Cristo doton te Jerusalem.

Juan 8:48

Pegdineg te menge obanen te Judiyo te inikagi i Jesus, minikagi dan, “Benal besi te kenà ka doma day Judiyo, meneng sakop ka besi te probinsya te Samarya eglindoan day. Migkebook ka so dinetengan ka te bosaw.”

Juan 4:20

Se menge kemonaan day tege Samarya, yan se migsimba te Timanem dini te bontod seini. Meneng sikiyo menge Judiyo, egtoladà kaw te keilangan megsimba kidon doton te Jerusalem.”

Luc. 10:1

Penga niyan, pinemallì te Pengolo se kepitowan teg dowa otaw, aw insogò din dan teg dowa-dowa doton te kedita te lonsod aw ogpeanan agpet dotonan din, amon megpeketagad se kedita te otaw te pegdateng din.

Mat. 22:3

Insogò din se sineligan mangay te kedita te otaw inindanan din. Meneng wedad ibeg dan gomemaw.

Mar. 6:7

Doen sebad aldaw migtipon sikandin te sempolò teg dowa tinoledaan din. Imbegay din diyà kandan se tolos amon megpelowà dan te bosaw lekat te otaw, aw insogò din dan teg dowa-dowa doton te menge doma ogpeanan.

Luc. 9:1

Nayan, doen sebad aldaw migtipon si Jesus te sempolò teg dowa tinoledaan din, aw imbegay din diyà kandan se tolos amon megpelowà dan te bosaw lekat te otaw aw amon megpegolì dan te otaw doen mesakit.

Juan 17:18

Insogò a no dini te keneyonan, aw yan isogò ko den dan megtoladà te kedita te otaw dini te keneyonan.