Mat. 10:41 - Manobo Sarangani

⁴¹ Aw megsagman kaw te telekeliwat te kagi te Timanem tandà te pegkeliwat din te kagi te Timanem, doen ontong ibegay te Timanem diyà kenyo onawa te ontong ibegay din diyà te telekeliwat te kagi din. Aw megsagman kaw te otaw eg-inang te metòlid tandà te peg-inang din te metòlid, doen ontong ibegay te Timanem diyà kenyo onawa te ontong ibegay din diyà te otaw eg-inang te metòlid.

Mat. 10:41 ပူးပေါင်းရင်းမြစ်များ

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

2 Juan 1:8

Yan peg-ahà kaw amon eked pegkewedad se ontong tepad te ininang niyo, meneng kinewaen niyo se ontong te modi aldaw.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Mat. 6:18

amon eked ketaga-taga se doma otaw te wedà kaw kaen. Pengkey eked iyan ketegahi te doma otaw, meneng ketegahan iyan te Amay niyo Timanem eked kitai, aw doen ontong ibegay din diyà kenyo.”

Roma 16:23

Eg-aneng-aneng heman si Gayo kenyo. Impeogpà a din doton te balay din, aw egsimba heman dini te balay din se kedita te otaw te lonsod seini. Se tesorero te lonsod seini si Erasto, aw kedowa tadon heman si Cuarto, eg-aneng-aneng dan heman kenyo. [

Mat. 6:6

Meneng aw megtawal-tawal kaw, pegsiolì kaw. Tekepi niyo se lelebangan, aw pegtawal-tawal kaw diyà te Amay niyo Timanem eked kitai. Pengkey eked kaw kitai te doma otaw, komità se Timanem kenyo, aw begayan kaw din te ontong.

Ininang 16:15

Binonyagan sikandin sipat kedita te otaw mig-ogpà diyà kandin. Penga niyan, minikagi sikandin, “Aw nemenal kaw te nelobos se pedowan ko diyà te Pengolo, peg-ogpà kaw den doton te balay ko.” Ontò migpeido-ido si Lydia aw yan timandù kay.

Mat. 6:4

Aw eked niyo petega-tegahi diyà te doma otaw se pegpemegay niyo diyà te otaw sagkep, kitaen iyan te Amay niyo Timanem doton te langit, aw begayan kaw din te ontong.”

Mat. 6:1

“Ikà niyo egpemekità te pegtolò niyo te Timanem diyà te doma otaw amon iduyun kaw dan, so aw ibeg niyo iduyun kaw te doma otaw, wedad ontong kinewaen niyo lekat te Amay niyo Timanem eg-ogpà doton te langit.

Mat. 7:8

Kominawà se kedita te otaw memoyò. Komità se kedita te otaw mengemahà. Ipeawop heman se kedita te otaw tomawal.

Mat. 25:44

Meg-insà dan heman, ‘Sir, kano kay lay kità te binallos ka, aw nelao ka, aw wedad ogpeanan no, aw wedad penenaktun no, aw nesekitan ka, aw kineleboso ka, penga niyan wedà kay pegtabang kamno?’

Mat. 25:45

Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’