Mat. 10:3 - Manobo Sarangani

³ aw si Felipe, si Bartolome, si Tomas, si Mateo sìyan iskribinti, aw si Santiago batà i Alfeo, si Tadeo,

Mat. 10:3 ပူးပေါင်းရင်းမြစ်များ

Ininang 1:13

Pegdateng dan doton te Jerusalem, netipon dan doton te gibelayan te balay inogpaan dan. Seini se otaw netipon. Si Pedro aw si Juan aw si Santiago aw si Andres, si Felipe aw si Tomas, si Bartolome aw si Mateo, si Santiago batà i Alfeo, si Simon meyseg, aw si Judas batà te kesangay i Santiago.

Mar. 3:18

Pinemallì din heman si Andres, si Felipe, si Bartolome, si Mateo, si Tomas, si Santiago batà i Alfeo, si Tadeo, si Simon meyseg,

Mar. 2:14

Pegkesayo i Jesus lekat kidoen, doen iskribinti si Levi batà i Alfeo nenenoo kidoen te opisina din. Pegkità i Jesus kandin, minikagi sikandin, “Taking ka kanak.” Yan timindeg si Levi, aw timaking sikandin ki Jesus.

Mat. 9:9

Nayan, pegkesayo i Jesus lekat kidoen, kinità din se iskribinti nenenoo kidoen te opisina din, ngadan din si Mateo. Minikagi si Jesus, “Taking ka kanak.” Yan timindeg si Mateo aw timaking sikandin ki Jesus.

Juan 21:2

Netipon kidoen se menge tinoledaan i Jesus. Se kedita dan si Simon, se doma ngadan din si Pedro, aw si Tomas, se doma ngadan din si Pingin, aw si Natanael tege Kana sakop te Galiliya, aw sìyan didowa batà i Sebedeo, aw dowa heman se doma tinoledaan i Jesus.

Juan 11:16

Si Tomas, se doma ngadan din si Pingin, minikagi diyà te menge doma tinoledaan, “Tomaking kidon te Pengolo pengkey imetayan kidon heman doma din.”

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

Santiago 1:1

Se solat seini lekat kanak si Santiago. Sineligan a te Timanem aw Pengolo tadon si Jesu Cristo. Seini se solat ko te kedita niyo Judiyo egpemenal ki Cristo, pengkey nekeogpà kaw doton te medita ogpeanan doton te kebelad te keneyonan. Ibeg ko, mèpiya se keogpà niyo.

Galasya 2:9

Si Santiago, si Pedro, aw si Juan ekon se melangkaw diyà te kedita dan menge sogounun i Cristo. Mig-aneng-aneng dan te insogò a te Timanem. Migsebad se pedowan te kedita day menge sogounun i Cristo te mèpiya aw yan se inangen day si Bernabe se megtoladà te menge otaw kenà Judiyo, aw yan se kandan inangen se megtoladà te menge Judiyo. Yan migpeelimenoway kay doton, so migsebad se pedowan te kedita day kenyan.

Galasya 1:19

Wedad doma sogounun i Cristo pigkità ko, olò sìyan kedowa i Jesus si Santiago.

Ininang 21:18

Keeldawan niyan, miglegeana si Pablo ki Santiago. Timaking kay kandin. Netipon heman se kedita te egpengibing te simbahan.

Ininang 12:17

Intakyaw i Pedro se belad din amon mepenek dan, aw in-indan din diyà kandan se pegpelowà te Pengolo kandin lekat te keleboso. Minikagi heman sikandin, “Indani niyo si Santiago aw menge doma otaw egpemenal.” Penga niyan, nesayo si Pedro aw dimoton te doma ogpeanan.

Luc. 5:27

Nayan, pegkesayo i Jesus lekat kidoen, doen iskribinti si Levi nenenoo kidoen te opisina din. Pegkità i Jesus kandin, minikagi, “Taking ka kanak.”

Ininang 15:13

Pegkepenga niyan, minikagi si Santiago, “Menge kedowa ko, penenalan kaw kanak.

Juan 14:22

Minikagi si Judas, sìyan kesangay i Judas Iscariote, kagi din, “Pengolo, menonen no se pegpekità no kenami, meneng eked ka pegpekità te menge doma otaw?”

Juan 14:9

Minikagi si Jesus, “Felipe, ontò den nenamay se pegdoma ko kamno. Yan nepela a so wedà ka pa ketaga-taga aw sinu a. Se kedita te otaw kimità kanak, kimità den dan heman te Amay ko. Nepela a te meibeg ka ipekità ko kenyo se Amay ko.

Mat. 27:56

Sikandan si Maria tege Magdala, aw kesangay din si Maria inay i Santiago aw si Jose, aw sìyan esawa i Sebedeo, aw doen heman menge doma dan.

Mat. 18:17

Aw eked sikandin penenalan kandan, indani niyo iyan diyà te kedita te otaw egsimba kidoen. Aw eked sikandin tolò te menge obanen te simbahan, ikà niyo egdoma kandin, so iling den sikandin te menge otaw kenà egpenimanem aw nelegeb te salà.”

Mar. 15:40

Doen heman menge bayi kidoen kenà mediyò te kros, aw kinità dan se kedita te neinang. Sikandan si Maria tege Magdala, aw kesangay din si Maria inay te kaling otaw si Santiago aw si Jose. Kidoen heman si Salome.

Luc. 18:10

Minikagi si Jesus, “Doen dowa otaw dimoton te dakel simbahan te Jerusalem amon megtawal-tawal dan. Parisiyo se sebad, aw iskribinti se sebad.

Luc. 18:11

Timindeg kidoen se Parisiyo aw migtawal-tawal, kagi din, ‘E Timanem, egpesiontong a diyà kamno, so labi a pa mèpiya diyà te menge doma otaw, so kenà a iling te otaw eg-akal, aw eglàpang te punù, aw eglakad. Egpesiontong a so kenà a medaet otaw iling te iskribinti sida.

Luc. 18:13

Meneng pegtawal-tawal te iskribinti, migpekediyò sikandin diyà te menge doma otaw so neyàyà. Wedà heman lengag doton te langit, meneng timikelong sikandin aw dinapì din se kagpa din tandà te pegselsel din, aw minikagi, ‘Timanem, keidowi a bag, so nelegeb a te salà.’

Luc. 19:2

Doen tege Jeriko ngadan din si Sakeo. Sikandin se pengolo te kedita te iskribinti aw ontò meyaman.

Juan 1:48

Minikagi si Natanael, “Nemeno lay se pegketaga-taga no kanak?” Minikagi si Jesus, “Te wedà ka pa engayi i Felipe, tapay ta kinità kidoen te kayo igira.”

Juan 14:5

Minikagi si Tomas, “Pengolo, wedà day ketegahi se dotonan nikaw. Yan eked day heman ketegahi se dalan.”