Mat. 10:2 - Manobo Sarangani

² Seini se ngadan te sempolò teg dowa sogounun i Cristo, si Simon iningedanan din ki Pedro, aw kedowa din si Andres, aw didowa batà i Sebedeo si Santiago aw si Juan,

Mat. 10:2 ပူးပေါင်းရင်းမြစ်များ

Ininang 1:13

Pegdateng dan doton te Jerusalem, netipon dan doton te gibelayan te balay inogpaan dan. Seini se otaw netipon. Si Pedro aw si Juan aw si Santiago aw si Andres, si Felipe aw si Tomas, si Bartolome aw si Mateo, si Santiago batà i Alfeo, si Simon meyseg, aw si Judas batà te kesangay i Santiago.

Mat. 4:21

Dimeleg si Jesus, aw kinità din se doma telekedowa si Santiago aw adi din si Juan didowa batà i Sebedeo. Kidoen dan te belangay sipat amay dan, aw migtigmes dan te pokot. Tinawal dan heman i Jesus,

Juan 12:22

Mig-indan si Felipe diyà ki Andres te ibeg dan, aw didowa dan se dimoton ki Jesus amon meg-indan kandin.

Juan 6:8

Kidoen heman se sebad tinoledaan i Jesus si Andres, sìyan adi i Pedro. Minikagi sikandin,

Luc. 5:10

Nepela heman se kedomaan din kidoen te doma belangay si Santiago aw si Juan, didowa batà i Sebedeo. Minikagi si Jesus diyà ki Simon, “Ikà egkelemitan. Lekat seini, kenà ikan se meabat no, meneng otaw den se ibingen no diyà kanak.”

Mat. 4:18

Doen sebad aldaw, minipanaw si Jesus doton te kilid te lanaw te Galiliya. Kinità din se didowa memokotay si Simon iningedanan din ki Pedro, aw adi din si Andres nemokot.

Luc. 11:49

Yan se doun te minikagi se Timanem, ‘Isogò ko doton kandan se menge telekeliwat te kagi ko aw menge sogounun ko. Meneng doen imetayan dan, aw pemilangen dan heman se doma.’

Impekità 1:9

Siak si Juan se simolat kani, kedowa niyo te pegpemenal. Iling a kenyo, so medalem heman se pedowan ko te pegtayod ko te pegpemilang dimateng kanak, so siak heman se migpesakop diyà te peglowan te Timanem. Impelumun a te gobirno aw impeibing a doton te polò iningedanan Patmos tandà te pegkeliwat ko te kagi te Timanem aw kebenalan intoladà i Jesu Cristo.

2 Juan 1:1

Se solat seini lekat kanak ininang egpengibing te simbahan. Sinolatan ko sikona bayi pinemallì te Timanem, aw menge batà nikaw ontò ko nedekelan te pedowan. Kenà olò siaken se doen dakel pedowan kenyo, meneng dakel heman se pedowan te kedita te otaw netaga-taga te kebenalan.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

Efeso 4:11

Sikandin se nemegay kenitadon te menge kinemoloan te kebiyasa amon megpetebangay kidon. Doen menge sogounun i Cristo. Doen heman menge telekeliwat te kagi te Timanem. Doen heman menge otaw egtoladà te Mèpiya Indan tepad ki Cristo. Doen heman menge otaw biyasa egpengibing aw egtoladà te menge otaw egpemenal.

1 Korinto 15:7

Migpekità heman si Cristo diyà ki Santiago, aw penga niyan migpekità heman diyà te kedita te sogounun i Cristo.

Ininang 12:2

Impesipal din se lieg i Santiago kakay i Juan.

Ininang 3:1

Doen aldaw dimoton si Pedro aw si Juan te dakel simbahan te Jerusalem alas tris te meapon, so yan se oras te pegtawal-tawal kidoen.

Ininang 1:26

Penga te pegtawal-tawal dan, migbonot dan. Penga niyan, si Matias se nepallì. Impeakop sikandin doma te sempolò tegusà sogounun i Cristo.

Juan 21:24

Se sìyan tinoledaan ontò nedekelan i Jesus te pedowan, yan se mig-indan te kedita nini aw simolat kani. Nedengeg heman sikandin so ontò keseligan se kagi din.

Juan 21:20

Penga niyan, miniling si Pedro, aw kinità din kidoen se sìyan tinoledaan ontò nedekelan i Jesus te pedowan. Yan se timangkil diyà te Pengolo kedengan te pegpengaen dan aw mig-insà aw sinu se megtolok kandin.

Juan 21:2

Netipon kidoen se menge tinoledaan i Jesus. Se kedita dan si Simon, se doma ngadan din si Pedro, aw si Tomas, se doma ngadan din si Pingin, aw si Natanael tege Kana sakop te Galiliya, aw sìyan didowa batà i Sebedeo, aw dowa heman se doma tinoledaan i Jesus.

Juan 20:2

Penga niyan, kimagnan sikandin aw dimoton ki Pedro aw sìyan sebad tinoledaan ontò nedekelan i Jesus te pedowan. Minikagi sikandin, “Neabat se lawa te Pengolo tadon lekat te lebeng. Wedà day ketegahi aw kenan iyan soli.”

Juan 13:23

Se timangkil ki Jesus, yan se tinoledaan ontò nedekelan i Jesus te pedowan.

Luc. 22:14

Pegdateng te oras te pegkaen, dimoton si Jesus aw menge sogounun din, aw kimaen dan.

Luc. 22:8

Simogò si Jesus ki Pedro aw si Juan, kagi din, “Peg-inang kaw den te kànen tadon te Pista te Pegpelowà.”

Luc. 9:10

Nayan, peg-olì te menge sogounun i Cristo doton kandin, mig-indan dan diyà kandin tepad te kedita te ininang dan. Penga niyan, tinenanan dan se doma otaw aw inibing dan i Jesus doton te sebad lonsod iningedanan Bitsayda.

Mar. 13:3

Wedà kenamay, dimoton dan te bontod te Olibo dipag te dakel simbahan. Nenenoo si Jesus, aw dimoton kandin si Pedro, si Santiago, si Juan, aw si Andres te wedad doma dan. Mig-insà dan,

Mar. 1:29

Wedà kenamay, nesayo si Jesus lekat te simbahan te Judiyo aw dimoton te balay i Simon aw si Andres. Timaking heman si Santiago aw si Juan.

Mat. 26:37

Impetaking din si Pedro aw sìyan didowa batà i Sebedeo. Penga niyan, ontò den nepuluk se pedowan din,

Mat. 20:20

Penga niyan, dimoton se esawa i Sebedeo ki Jesus sipat didowa batà din si Santiago aw si Juan. Limongken sikandin diyà ki Jesus so doen pemoyoen din.

Mat. 17:1

Nayan, pegkeokit te enem se aldaw, impetaking i Jesus si Pedro, si Santiago, aw si Juan adi i Santiago, aw timikedeg dan doton te melangkaw bontod te wedad doma dan.

Impekità 22:8

Siak si Juan, aw dinineg ko aw kinità ko se kedita te insolat ko dini. Penga te pegdineg ko kani aw pegkità ko kani, limongken a diyà te anghil migpekità kani kanak amon simbahen ko.

Impekità 1:1

Seini se impekità i Jesu Cristo. Ingkeliwat din ini lekat te Timanem diyà te kedita tadon egtolò kandin, amon metaga-taga kidon aw eden se metoman domateng te eked kenamay. Siak si Juan sebad sakop i Jesu Cristo. Doen anghil insogò din amon ipetaga-taga din ini kanak.

3 Juan 1:1

Se solat seini lekat kanak ininang egpengibing te simbahan. Simolat a kamno Gayo, sigalak ko ontò ko egkedekelan te pedowan.

Impekità 18:20

Keilangan meluba kaw tege langit, so nebàtan den iyan. Keilangan meluba kaw menge sakop te Timanem, aw sogounun i Cristo, aw telekeliwat te kagi te Timanem, so impelumun den te Timanem se lonsod sìyan tandà te pegpemilang niyan kenyo.

Mar. 6:30

Nayan, peg-olì te menge sogounun i Cristo doton kandin, mig-indan dan diyà kandin tepad te kedita te ininang dan aw intoladà dan.

Juan 6:67

Minikagi si Jesus diyà te sìyan sempolò teg dowa tinoledaan din, kagi din, “Meibeg kaw lay heman tomanan kanak?”

Juan 6:70

Minikagi si Jesus, “Pengkey pinemallì ko sikiyo sempolò teg dowa, meneng doen sebad diyà kenyo sakop i Satanas.”

Juan 6:71

Yan se inikagi din tepad ki Judas batà i Simon Iscariote, so pengkey si Judas se sebad diyà te sempolò teg dowa tinoledaan din, meneng sikandin se migtolok kandin.