Mat. 10:1 - Manobo Sarangani

¹ Nayan, tinawal i Jesus se sempolò teg dowa tinoledaan din, aw imbegay din diyà kandan se tolos amon megpelowà dan te bosaw lekat te otaw, aw amon megpegolì dan te kedita te otaw doen mesakit.

Mat. 10:1 ပူးပေါင်းရင်းမြစ်များ

Luc. 10:19

Ikà niyo egkelibel kani. Doen tolos imbegay ko kenyo amon domaeg kaw te kedita te sakop i Satanas. Pengkey gìtan niyo se memokan aw doma mekeilo, meneng eked kaw elegi, so wedad palos meleg kenyo.

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Juan 3:27

Minikagi si Juan, “Wedad mebatog te otaw singed aw isogò sikandin te Timanem.

Luc. 6:13

Pegkeiselem, tinawal din se kedita te otaw tinoledaan din. Penga niyan, pinemallì din se sempolò teg dowa otaw megtelaban kandin, aw iningedanan din dan menge apostol.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

Ininang 19:15

Meneng minikagi se bosaw diyà kandan, “Netegahan ko si Jesus aw si Pablo. Meneng sikiyo, eked ko toloi.”

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 6:70

Minikagi si Jesus, “Pengkey pinemallì ko sikiyo sempolò teg dowa, meneng doen sebad diyà kenyo sakop i Satanas.”

Juan 3:35

Ontò dakel se pedowan te Timanem Amay diyà te Batà din, aw insalig din diyà kandin se peglowan diyà te kedita.

Impekità 12:1

Penga niyan, doen dakel ledyawan kinità ko kidoen te langit. Kinità ko se bayi migdagom te aldaw, aw doen bolan kidoen te salad te benis din, aw doen korona insangkob din diyà te olo din ininang te sempolò teg dowa bitoen.

Mat. 26:47

Telobo pa minikagi si Jesus, dimateng si Judas, sìyan tinoledaan i Jesus. Ontò medita se otaw timaking kandin, aw migkekamang dan te menge podok aw batota. Insogò dan te menge pengolo te simbahan aw menge obanen te Judiyo.

Mat. 26:20

Pegkedelem niyan, dimoton si Jesus aw kedita te sempolò teg dowa tinoledaan din, aw kimaen dan.

Mat. 19:28

Minikagi si Jesus, “Eneng-enengi niyo se kagi ko kenyo seini. Aw inangen te Timanem kaling se keneyonan, menenoo a Timanem Migpekeotaw doton te melangkaw onsedanan te peglowan. Sikiyo menge tinoledaan ko, menenoo kaw heman doton te sempolò teg dowa onsedanan te peglowan, so lomowan kaw diyà te sempolò teg dowa pongan te menge bowad-bowad i Israel.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Mat. 9:35

Nayan, miglegeb si Jesus doton te kedita te lonsod aw doma ogpeanan, aw migtoladà kidoen te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw migpegolì te kedita te otaw doen mesakit.

Mat. 9:38

Timanem se tig-apò te pawà, aw keilangan megtawal-tawal kaw diyà kandin amon isogò din se menge doma otaw meglegani.”