Mar. 9:2 - Manobo Sarangani

² Nayan, pegkeokit te enem se aldaw, impetaking i Jesus si Pedro, si Santiago, aw si Juan, aw timikedeg dan doton te melangkaw bontod te wedad doma dan. Pegketà, dalem te pegtengteng dan diyà ki Jesus, netodà se bawa din.

Mar. 9:2 ပူးပေါင်းရင်းမြစ်များ

Mar. 5:37

Wedad doma otaw impetaking i Jesus doton te balay, meneng olò si Pedro, aw si Santiago, aw adi i Santiago si Juan.

Mar. 14:33

Penga niyan, impetaking din si Pedro, aw si Santiago, aw si Juan. Ontò den nepuluk se pedowan din,

2 Korinto 13:1

Na, aw metoman a lomikò kidoen kenyo, yan se iketelo te peglegeb ko kidoen kenyo. Ipelumun ko se otaw eg-inang te salà, meneng toloen ko pa se punù te Timanem te eked pelumuni se otaw singed aw doen dowa otaw aw kenà telo meg-indan te benal doen salà din.

Impekità 20:11

Penga niyan, kinità ko se mepotì onsedanan te peglowan ontò dakel, aw doen nenenoo kidoen. Ontò migpekediyò se tanà aw langit lekat kandin tandà te kelangkaw din, aw eked den dan kitai.

Mar. 16:12

Penga niyan, migpekità si Jesus diyà te didowa tinoledaan din te peg-ipanaw dan pesalo doton te saka, meneng wedà dan sikandin kilelai, so netodà den se bawa din.

Filipos 3:21

Aw lomikò sikandin, inangen din iling te lawa din eked kematay se lawa tadon egkematay. Yan se inangen din pineokit te tolos din, so metolos sikandin aw mekedaeg sikandin te kedita pengkey kenan amon lomowan sikandin diyà kandan.

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Luc. 6:12

Nayan, wedà kenamay, timikedeg si Jesus doton te bontod amon megtawal-tawal. Timayod sikandin te delem aw migtawal-tawal diyà te Timanem.

Mat. 14:13

Nayan, pegdineg i Jesus tepad te pegpengimatay ki Juan, nesayo sikandin lekat kidoen. Simakay sikandin te belangay aw dimoton te kesikmihan. Meneng pegketaga-taga te kedita te otaw te pineselowan i Jesus, dimoton dan heman. Minipanaw dan lekat te menge ogpeanan dan.