Mar. 7:2 - Manobo Sarangani

² Kinità dan te limàpang se menge tinoledaan i Jesus te ketanem te menge Parisiyo, so kimaen dan te wedà dan peg-onaw te belad dan.

Mar. 7:2 ပူးပေါင်းရင်းမြစ်များ

Ininang 10:28

Minikagi si Pedro diyà kandan, “Netegahan niyo te eked kepakay aw megdoma se otaw Judiyo diyà te otaw kenà Judiyo. Eked heman kepakay aw gomemaw se otaw Judiyo diyà te balay te otaw kenà Judiyo. Siaken se Judiyo. Sikiyo se kenà. Meneng impetaga-taga a den te Timanem te eked a den peg-eked se megdoma te otaw kenà Judiyo.

Roma 14:14

Tandà te pegsebad ko ki Jesus, ontò a den netaga-taga te wedad palos kànen ininang te Timanem eked kepakay kànen. Meneng aw meg-aneng-aneng se otaw te doen kànen ininang te Timanem eked kepakay kànen, eked kepakay aw kànen din iyan.

Ininang 11:8

Meneng timaba a, ‘Pengolo, eked a kaen kenyan, so eked a làpang te punù ingkeliwat i Moises, sìyan gayed ko egtoloen.’

Mat. 15:2

“Eglàpang se menge tinoledaan no te ketanem te kemonaan tadon, so kenà dan eg-onaw te belad dan te eked dan pa kaen.”

Mar. 7:5

Minikagi se menge Parisiyo aw menenoladà te punù ingkeliwat i Moises, “Kenà egtaking se menge tinoledaan no te ketanem te kemonaan tadon, so kimaen dan te wedà dan peg-onaw te belad dan.”

Luc. 11:38

Meneng ontò nepela se Parisiyo ki Jesus, so wedà sikandin taking te ketanem te menge Judiyo tepad te peg-onaw te belad te wedà pa kaen.

Menge Hebreo 10:29

Meneng labi pa medaet se pelumun domateng diyà te otaw megtompuyus te Batà te Timanem, so pineokit te pegtompuyus din kandin, impetaga-taga din te wedad ontong din diyà te dipanog i Cristo ilinis peden kandin, pengkey yan se pengilala te doen den kaling peokit pesalo doton te Timanem. Ipelumun sikandin so nengako sikandin te Espiritu Santo gayed egkeido.

Impekità 21:27

Meneng wedad palos medaet mekeawop kidoen. Eked heman pekeawop se otaw eg-inang te medaet aw egkebolalaw. Meneng se otaw mekeawop te lonsod sìyan, yan olò se otaw insolat se ngadan dan kidoen te libro sinolatan te Karniro te ngadan te kedita te otaw binegayan te kaling pedowan.