Mar. 5:7 - Manobo Sarangani

^7-8 Migpunù si Jesus diyà te bosaw, kagi din, “Lowà ka den diyà kandin.” Minikagi se otaw te dakel kagi din, “Jesus, Batà te Timanem ontò melangkaw, ikà egsamok kanak. So Timanem se egtengteng kenita, memoyò a diyà kamno, ikà bag egpeeleg kanak.”

Mar. 5:7 ပူးပေါင်းရင်းမြစ်များ

Mat. 8:29

Mig-olangag dan, kagi dan, “Batà te Timanem, ikà pa egpeeleg kenami, so wedà pa dateng se aldaw te pegpelumun no kenami.”

Ininang 16:17

Timelokon se bayi kenami aw timawal, kagi din, “Sikandan se sogounun te Timanem Melangkaw. Dimini dan amon megtoladà dan kenyo te doen kelowaan lekat te salà.”

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

Mat. 26:63

Meneng wedà taba si Jesus. Penga niyan, minikagi se ontò pengolo te simbahan, “Megpunù a den diyà kamno pineokit te ngadan te Timanem eked palos kematay te keilangan meg-indan ka den te kebenalan. Sikona ekon se Misiyas, sìyan Batà te Timanem. Indani kay den aw benal iyan.”

Impekità 12:12

Yan keilangan meluba kaw tege langit aw kedita niyo eg-ogpà kidoen te langit. Meneng mekelelayò kaw tege tanà aw tege dagat, so dimateng den si Satanas kenyo. Ontò sikandin neopal, so netegahan din te detengan sikandin te pelumun te eked kenamay.”

Ininang 19:13

Doen menge Judiyo lomelegeb eg-ikagi te doen tolos dan megpelowà te bosaw lekat te otaw. Minikagi dan diyà te bosaw, “Lowà ka pineokit ki Jesus, sìyan intoladà i Pablo.”

Luc. 8:28

Pegkità din ki Jesus, mig-olangag sikandin, aw limongken diyà ki Jesus, aw minikagi te dakel se kagi din, “Jesus, Batà te Timanem ontò melangkaw, ikà egsamok kanak. Memoyò a den diyà kamno, ikà bag egpeeleg kanak.”

Mar. 3:11

Dimoton heman kandin se menge otaw dinetengan te bosaw. Pegkità dan kandin, limongken dan diyà kandin aw timawal dan te dakel kagi, “Sikona se ontò Batà te Timanem.”

Mat. 4:3

Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Menge Hebreo 7:1

Si Melkisedec se selotan doton te lonsod te Salem, aw sikandin se telekagon te menge otaw egsimba te Timanem ontò melangkaw. Peg-olì i Abraham lekat te pegdaeg din te menge selotan migpoon kandin, simongon si Melkisedec kandin aw migtawal-tawal sikandin tepad ki Abraham amon begayan sikandin te Timanem te mèpiya.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Luc. 4:34

“Tay, Jesus tege Nasarit. Ikà egsamok kenami. Eked kay keibeg aw pegbàtan kay nikaw. Netegahan ko aw sinu ka. Sikona se metòlid otaw insogò te Timanem.”

Luc. 1:32

Melangkaw sikandin, aw doen gulal din Batà te Timanem Melangkaw. Ipelowan sikandin te Timanem iling te peglowan te kemonaan din si David gebii.

Mar. 14:61

Meneng wedà taba si Jesus. Minikagi heman se ontò pengolo te simbahan, “Sikona ekon se Misiyas, sìyan Batà te Timanem. Indani kay den aw benal iyan.”

Roma 16:20

Timanem se egpemegay te kelinaw te pedowan, aw sikandin se mekedaeg ki Satanas te eked kenamay amon wedad mebatog din inangen diyà kenyo. Ibeg ko, tebangan kaw te Pengolo tadon si Jesu Cristo.

Mar. 5:6

Pegkità din ki Jesus doton te mediyò, kimagnan sikandin simongon ki Jesus aw limongken diyà kandin.

Santiago 2:19

Aw mikagi kaw te nemenal kaw den te olò sebad se Timanem, mèpiya iyan, meneng eden niyo aw botong se pegpemenal niyo kenyan. Pengkey bosaw eleg heman nemenal kenyan, aw egtegengtangen dan tandà te lamit dan kandin, meneng kenà dan man egtaking te Timanem.