Mar. 4:7 - Manobo Sarangani

⁷ Doen heman benì nesabog diyà te pinonoan te sagbet doen tigis. Timilles heman se sagbet doen tigis aw kinelep se menge tobò aw nematay. Yan wedad palos pongo niyan.

Mar. 4:7 ပူးပေါင်းရင်းမြစ်များ

Luc. 8:14

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.

Luc. 21:34

“Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

Luc. 12:15

Minikagi heman si Jesus diyà te otaw netipon, “Ikà niyo eg-ingà te kedònan te doma otaw. Pengkey ontò dakel se kedònan te otaw, meneng eked pegkelayat se omol din pineokit kenyan.”

Luc. 8:7

Doen heman benì nesabog diyà te pinonoan te sagbet doen tigis. Timilles heman se sagbet doen tigis aw kinelep se menge tobò aw nematay.

Mat. 13:22

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong din so dàgen sikandin te ibeg din tomaking te ketanem te keneyonan, aw ibeg din megkeyaman amon meluba sikandin. Yan se doun te wedad ontong din diyà te kagi te Timanem dinineg din.

Mat. 13:7

Doen heman benì nesabog diyà te pinonoan te sagbet doen tigis. Timilles heman se sagbet doen tigis, aw kinelep se menge tobò aw nematay.

Mat. 13:8

Meneng doen benì nesabog diyà te melambò tanà. Yan se timilles aw minongo. Doen minongo te ginatos, aw doen minongo te keneman aw ketlowan.”

Mar. 4:6

Meneng pegkelangkaw te aldaw, nelanes aw nematay so wedad nael dalid.

Mar. 4:8

Meneng doen benì nesabog diyà te melambò tanà. Yan se timobò aw timilles, aw minongo. Doen minongo te ketlowan, aw doen minongo te keneman aw ginatos.”