Mar. 3:9 - Manobo Sarangani

⁹ Sagwa ontò medita se otaw netipon, migpunù sikandin te menge tinoledaan din te megpetagad dan te belangay sekayan din amon eked sikandin sigpiti te menge otaw.

Mar. 3:9 ပူးပေါင်းရင်းမြစ်များ

Juan 6:15

Meneng nesayo den si Jesus lekat kidoen sebad din, aw dimeleg doton didaya, so netegahan din te doen ibeg dan megleges kandin amon inangen dan sikandin selotan dan, meneng kenà niyan se ibeg din.

Mar. 5:30

Pegketaga-taga i Jesus te doen neinang pineokit te tolos din, miniling sikandin aw timengteng diyà te menge otaw timaking kandin, aw minikagi, “Sinu lay se nemaed te saol ko?”

Mat. 15:39

Penga niyan, impeolì i Jesus se kedita dan, aw simakay sikandin te belangay aw dimoton te probinsya medapag te Magadan.

Mar. 4:1

Nayan, doen aldaw migtoladà si Jesus doton te kilid te lanaw. Ontò medita se otaw netipon diyà kandin, aw yan se doun te minalin sikandin doton te belangay pinondohan medapag te kilid te lanaw. Nenenoo sikandin kidoen, meneng mig-ogpà se kedita te otaw tinoledaan din doton te kilid te lanaw kidoen te tanà.

Mar. 4:36

Penga niyan, tinenanan dan se kedita te otaw netipon kidoen te kilid te lanaw, aw simakay dan heman te belangay tapay sinekayan i Jesus. Doen heman menge doma belangay timaking kandan.

Mar. 5:2

Pegtenà i Jesus, doen otaw dinetengan te bosaw simongon kandin lekat te menge lebenganan,

Mar. 6:32

Penga niyan, nesayo dan lekat kidoen. Simakay dan te belangay aw dimoton dan te kesikmihan te wedad doma dan.

Luc. 5:1

Nayan, doen aldaw timindeg si Jesus kidoen te kilid te lanaw iningedanan Genesarit. Migpesegsegay se kedita te otaw amon megpedapag dan diyà kandin, so ibeg dan domineg te kagi te Timanem itoladà din.

Luc. 5:3

Penga niyan, minalin si Jesus doton te belangay i Simon, aw nemoyò te ipelepaw din iyan kidoen te lanaw medapag te kilid. Penga niyan, nenenoo si Jesus kidoen te belangay aw migtoladà te menge otaw kidoen te tanà.