Mar. 2:2 - Manobo Sarangani

² Yan medita se otaw netipon doton didalem te balay igsà wedà pekeombà se menge otaw pengkey doton te lowà te balay medapag te lelebangan. Dalem te pegtoladà i Jesus kandan te kagi te Timanem,

Mar. 2:2 ပူးပေါင်းရင်းမြစ်များ

Mar. 2:13

Pegkesayo i Jesus lekat te balay, todà sikandin dimoton te kilid te lanaw. Netipon se kedita te otaw diyà kandin, aw migtoladà sikandin kandan.

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.

2 Timoteo 4:2

Pegtoladà ka te kagi te Timanem. Keilangan megpeketagad ka megtoladà kenyan pengkey meibeg aw eked keibeg se menge otaw menenalan. Pegpetaga-taga ka diyà te menge otaw te kemalì dan. Pegsagda ka te otaw eg-inang te medaet. Peg-antag ka te pedowan te menge otaw kenà melobos se pedowan dan. Keilangan gayed medalem se pedowan no dalem te pegtoladà no kandan.

Roma 10:8

Doen heman kagi te Timanem insolat, “Kidoen kenyo se kagi te Timanem, so yan se egbelaw-belewayen niyo aw eg-eneng-enengen niyo.” Yan se kagi te Timanem ipegtoladà day te keilangan somalig kidon diyà ki Cristo.

Ininang 16:6

Migtoladà dan te kagi te Timanem doton te menge lonsod kidoen te Frigya aw Galasya, so sinagda dan te Espiritu Santo te eked dan pegtoladà doton te Asya.

Ininang 14:25

Migtoladà dan doton te Perga, aw penga niyan dimeleg dan doton te Atalya.

Ininang 11:19

Pegkematay i Esteban, pinemilang se menge otaw egpemenal. Pegkadas dan, migbilit-bilit dan doton te Fenisya, aw Sipro, aw Antyokya kidoen te Sirya. Mig-indan dan te kagi te Timanem diyà te doma dan menge Judiyo mig-ogpà kidoen.

Ininang 8:25

Mig-indan si Pedro aw si Juan te kagi intoladà te Pengolo kandan aw ininang din kinità dan. Penga niyan, minolì dan doton te Jerusalem, meneng migtoladà dan heman te Mèpiya Indan doton te menge lonsod te Samarya inokitan dan.

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Luc. 8:11

“Seini se kedegdagan te tegdeyanan sìyan. Se benì insabog, yan se kagi te Timanem.

Luc. 8:1

Wedà kenamay, miglegeb si Jesus aw timeped te menge lonsod aw doma ogpeanan. Migtoladà sikandin te menge otaw te Mèpiya Indan tepad te peglowan te Timanem. Timaking heman kandin se sempolò teg dowa tinoledaan pinemallì din.

Mar. 1:37

Pegkità dan kandin, minikagi dan, “Pinengemahà ka te kedita te otaw.”

Mar. 1:33

Ontò medita se tege Kapirnaom netipon doton te lowà te balay.

Mar. 1:14

Nayan, penga te pegpedakep i Herod ki Juan Memonyagay, dimoton si Jesus te probinsya te Galiliya aw migtoladà te Mèpiya Indan lekat te Timanem.

Mat. 5:2

aw migtoladà si Jesus kandan, kagi din,

Luc. 5:17

Nayan, pegtoladà i Jesus, nenenalan kandin se menge Parisiyo, aw doen heman menge menenoladà te punù ingkeliwat i Moises. Lekat dan te medita ogpeanan kidoen te probinsya te Galiliya aw Judiya, aw lekat te lonsod te Jerusalem. Doen tolos i Jesus lekat te Timanem amon megpegolì te menge otaw doen mesakit.

Mar. 6:34

Pegtenà i Jesus, kinità din se ontò medita otaw migtagad kandin. Ontò din dan neidowan, so iling dan te menge ayam-ayam karniro megketading te eked kenamay aw wedad megdiyaga kandan. Penga niyan, migtoladà si Jesus kandan te medita kebenalan.

Mar. 2:1

Nayan, peglaklak te pila aldaw, minolì si Jesus doton te Kapirnaom. Doen menge otaw dimineg te mig-ogpà sikandin diyà te balay kidoen.