Mar. 13:3 - Manobo Sarangani

³ Wedà kenamay, dimoton dan te bontod te Olibo dipag te dakel simbahan. Nenenoo si Jesus, aw dimoton kandin si Pedro, si Santiago, si Juan, aw si Andres te wedad doma dan. Mig-insà dan,

Mar. 13:3 ပူးပေါင်းရင်းမြစ်များ

Mar. 4:34

Impeokit din te tegdeyanan se kedita te intoladà din kandan. Meneng gayed din ipeg-indan te menge tinoledaan din dalem te wedad doma dan aw eden se kedegdagan te kedita te tegdeyanan.

Mat. 21:1

Nayan, pegpesalo dan doton te Jerusalem, migpedapag dan kidoen te lonsod te Bitpahi doton te ongan te bontod te Olibo. Insogò i Jesus se didowa tinoledaan din,

Mar. 14:33

Penga niyan, impetaking din si Pedro, aw si Santiago, aw si Juan. Ontò den nepuluk se pedowan din,

Mar. 10:35

Penga niyan, dimoton ki Jesus se didowa batà i Sebedeo si Santiago aw si Juan. Minikagi dan, “Sir, ibeg day inangen no diyà kenami se pemoyoen day diyà kamno.”

Mar. 9:2

Nayan, pegkeokit te enem se aldaw, impetaking i Jesus si Pedro, si Santiago, aw si Juan, aw timikedeg dan doton te melangkaw bontod te wedad doma dan. Pegketà, dalem te pegtengteng dan diyà ki Jesus, netodà se bawa din.

Mar. 5:37

Wedad doma otaw impetaking i Jesus doton te balay, meneng olò si Pedro, aw si Santiago, aw adi i Santiago si Juan.

Mat. 24:3

Wedà kenamay, dimoton si Jesus te bontod te Olibo aw nenenoo kidoen. Dimoton se menge tinoledaan din kandin te wedad doma dan, aw mig-insà dan, kagi dan, “Indani kay. Kano lay ketoman se in-indan nikaw? Eden lay se pengilala kitaen day amon ketegahan day te agpet ka lomikò aw agpet heman se temanan te keneyonan?”

Mat. 17:1

Nayan, pegkeokit te enem se aldaw, impetaking i Jesus si Pedro, si Santiago, aw si Juan adi i Santiago, aw timikedeg dan doton te melangkaw bontod te wedad doma dan.

Mat. 13:36

Penga niyan, nesayo si Jesus lekat kidoen te otaw netipon, aw minawop diyà te balay. Timaking se menge tinoledaan din aw nemoyò dan, “Indani kay aw eden se kedegdagan te tegdeyanan tepad te sagbet timilles kidoen te pawà.”

Mat. 13:10

Penga niyan, dimoton se menge tinoledaan i Jesus kandin, aw mig-insà dan, “Nengà lay pineokit te tegdeyanan se pegtoladà no te menge doma otaw?”

Mar. 13:4

“Indani kay. Kano lay ketoman se in-indan nikaw? Eden lay se pengilala kitaen day aw agpet metoman se kedita niyan?”