Luc. 9:7 - Manobo Sarangani

⁷ Nayan, si Herod se otaw limowan kidoen te Galiliya. Pegdineg din tepad te ininang i Jesus aw intoladà din, migkebulung sikandin, so doen menge otaw eg-ikagi te yan si Juan Memonyagay neantay den lekat te nematay.

Luc. 9:7 ပူးပေါင်းရင်းမြစ်များ

Mat. 11:2

Nayan, dalem te pegkekeleboso ki Juan Memonyagay, inindanan sikandin tepad te eg-inangen te Misiyas. Pegdineg i Juan kenyan, insogò din se menge tinoledaan din meg-insà ki Jesus,

Mar. 8:28

Timaba dan, “Doen menge otaw eg-ikagi te sikona si Juan Memonyagay. Doen heman eg-ikagi te sikona si Elias. Doen heman eg-ikagi te sikona se doma telekeliwat te kagi te Timanem gebii.”

Luc. 13:31

Nayan, doen menge Parisiyo dimoton ki Jesus, aw minikagi dan diyà kandin, “Kesayo ka den lekat dini, so ibeg ekon i Herod imetayan ka.”

Luc. 21:25

“Doen pengilala ipekità te Timanem kidoen te aldaw aw bolan aw menge bitoen. Dini heman te tanà, metetana aw melemitan se kedita te otaw, so ontò megbalud aw domaging se dagat.

Luc. 23:7

Pegketaga-taga din te lekat si Jesus te probinsya nesekopan i Herod, impeibing din doton kandin, so kidoen heman si Herod te Jerusalem te aldaw sìyan.

Luc. 3:1

Nayan, pegkenamay, dimateng se ikesempolò teg lima se omay te peglowan i Tiberio kidoen te Roma. Si Poncio Pilato se gobirnador kidoen te Judiya. Limowan si Herod kidoen te Galiliya, aw kedowa din si Felipe se limowan kidoen te Itorya aw Trakoniti. Limowan si Lisanias kidoen te Abilina.

Luc. 9:19

Timaba dan, “Medita se otaw eg-ikagi te sikona si Juan Memonyagay. Meneng doen heman eg-ikagi te sikona si Elias. Doen heman eg-ikagi te sikona se sebad telekeliwat te kagi te Timanem gebii neantay den lekat te nematay.”