Luc. 9:60 - Manobo Sarangani

⁶⁰ Meneng minikagi si Jesus, “Mèpiya aw otaw wedad kaling pedowan se meglebeng te menge doma dan nematay. Meneng aw doen kaling pedowan no, keilangan megtoladà ka den te doma otaw tepad te peglowan te Timanem.”

Luc. 9:60 ပူးပေါင်းရင်းမြစ်များ

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Mat. 8:22

Meneng minikagi si Jesus, “Keilangan tomaking ka den kanak, so mèpiya aw otaw wedad kaling pedowan se meglebeng te menge doma dan nematay.”

Luc. 15:24

Eden ko aw nematay den se batà ko seini, meneng neantay pa kedì. Netalon sikandin, meneng kinità.’ Penga niyan, migtebò dan se migpista.

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

1 Korinto 9:16

Eked ko duyuni se pegkeotawun ko te migtoladà a te Mèpiya Indan, so insogò a te Timanem megtoladà kenyan, aw ipelumun a din aw eked a tolò.

Efeso 2:1

Kedengan, te wedà kaw pa pemenal, iling kaw te nematay tandà te peg-inang niyo te salà.

Efeso 2:5

so pengkey iling kidon te nematay tandà te peg-inang tadon te medaet, meneng binegayan kidon te Timanem te kaling pedowan tandà te pegpesakop tadon diyà ki Cristo. Pineokit te tabang te Timanem kenitadon, impelowà kidon din lekat te salà.

1 Timoteo 5:6

Meneng se bayi balo gayed egkeibeg te keluba te otaw dini te keneyonan, yan se iling te nematay den pengkey wedà pa kematay.

2 Timoteo 4:2

Pegtoladà ka te kagi te Timanem. Keilangan megpeketagad ka megtoladà kenyan pengkey meibeg aw eked keibeg se menge otaw menenalan. Pegpetaga-taga ka diyà te menge otaw te kemalì dan. Pegsagda ka te otaw eg-inang te medaet. Peg-antag ka te pedowan te menge otaw kenà melobos se pedowan dan. Keilangan gayed medalem se pedowan no dalem te pegtoladà no kandan.

2 Timoteo 4:5

Meneng sikona, Timoteo, keilangan gayed ka tomaking te metòlid. Keilangan megpeketagad ka tomayod te kelimahan. Pegtoladà ka te Mèpiya Indan tepad ki Jesu Cristo. Toman ka te kedita insogò te Timanem kamno.

Impekità 3:1

Minikagi heman sikandin, “Solat ka te anghil egtonggò te menge sakop te simbahan kidoen te Sardis. Seini se kagi isolat nikaw. ‘Seini se kagi ko kenyo. Dini kanak se Espiritu Santo egpetaga-taga te metolos sikandin pineokit te pito keokit. Dini heman kanak se pito bitoen eg-ewidan ko. Netegahan ko se eg-inangen niyo. Pengkey nedengeg kaw te doen kaling pedowan niyo, meneng wedà niyo iyan pekitai pineokit te eg-inangen niyo.