Luc. 9:56 - Manobo Sarangani

⁵⁶ Penga niyan, dimeleg dan doton te doma lonsod.

Luc. 9:56 ပူးပေါင်းရင်းမြစ်များ

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Mat. 18:11

Dimini a Timanem Migpekeotaw amon ipelowà ko se menge otaw nelegeb te salà.]

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

Mat. 5:39

Meneng mikagi a den diyà kenyo, aw doen otaw meg-inang te medaet diyà kenyo, ikà niyo eg-inang te medaet diyà kandin. Aw sempaken kaw te doma otaw diyà te pisngi lenged te kowanan, pesempaki niyo heman se pisngi lenged te bibang.

Luc. 19:10

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Luc. 22:51

Meneng minikagi si Jesus, “Ikà niyo.” Penga niyan, nemaed sikandin te telinga te sineligan, aw negolì iyan.

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Luc. 9:55

Meneng miniling si Jesus diyà kandan aw sinagda din dan.

Luc. 9:57

Dalem te peg-ipanaw dan, doen otaw minikagi diyà ki Jesus, “Pengkey kenan ka pesalo, gayed a tomaking kamno.”

Juan 10:10

Domoton se menenakaw te kelokob amon menakaw, aw mengimatay, aw megbaet. Meneng dimini a amon memegay a te kaling pedowan wedad temanan diyà te kedita te otaw, sìyan kaling pedowan wedad kekolangan.

Juan 12:47

Aw doen otaw dimineg te kebenalan intoladà ko meneng eked tolò kenyan, kenà ko se eglekatan te pelumun kandin. Insogò a dini kenà amon megpelumun a te otaw, meneng amon megpelowà a te otaw lekat te pelumun.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Roma 12:21

Aw meg-inang kaw te medaet diyà te menge otaw eg-inang te medaet diyà kenyo, dàgen kaw dan pineokit te pegtaking niyo te medaet. Meneng aw mèpiya se inangen niyo diyà te otaw eg-inang te medaet diyà kenyo, mekedaeg kaw kandan pineokit te pegtaking niyo te mèpiya.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.