Luc. 9:52 - Manobo Sarangani

⁵² Doen menge otaw insogò din minonà diyà kandin. Nesayo dan aw dimoton dan te sebad lonsod sakop te Samarya amon megpetagad dan te ogpaan din aw mapit kidoen.

Luc. 9:52 ပူးပေါင်းရင်းမြစ်များ

Mat. 10:5

Yan se sempolò teg dowa tinoledaan insogò i Jesus, so doen impunù din diyà kandan, kagi din, “Ikà niyo egdoton te menge ogpeanan te menge otaw kenà Judiyo. Ikà niyo heman egdoton te menge lonsod te Samarya.

Luc. 10:1

Penga niyan, pinemallì te Pengolo se kepitowan teg dowa otaw, aw insogò din dan teg dowa-dowa doton te kedita te lonsod aw ogpeanan agpet dotonan din, amon megpeketagad se kedita te otaw te pegdateng din.

Luc. 10:33

Penga niyan, doen mepanaw tege Samarya kenà Judiyo dimateng doton te Judiyo sìyan nepelian. Pegkità din kandin, ontò din neidowan.

Luc. 17:11

Pegpesalo i Jesus doton te Jerusalem, minokit sikandin diyà te pigkitaan te probinsya te Samarya aw Galiliya.

Luc. 17:16

Limongken diyà ki Jesus, aw migpesiontong heman sikandin. Tege Samarya se otaw sìyan.

Luc. 7:27

Sikandin se migtoladà tepad kanak, aw tinoman din se pakang seini tapay insolat kidoen te kagi te Timanem, ‘Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.’”

Juan 4:4

Pegpesalo din doton te Galiliya, minokit dan te probinsya te Samarya.

Juan 4:5

Peg-ipanaw dan, dimateng dan te lonsod te Sikar sakop te probinsya te Samarya, medapag te tanà imbegay i Jacob diyà te batà din si Jose gebii.

Juan 4:9

Ontò nepela se bayi, so doen ketanem te menge Judiyo te eked dan kaen aw inem diyà te telepagan te menge tege Samarya, aw eked dan heman pegdoma kandan. Yan minikagi se bayi, “Sikona se sakop te Judiya, aw siak se sakop te Samarya. Nengà lay nemoyò ka kanak te wayeg inemen?”

Juan 8:48

Pegdineg te menge obanen te Judiyo te inikagi i Jesus, minikagi dan, “Benal besi te kenà ka doma day Judiyo, meneng sakop ka besi te probinsya te Samarya eglindoan day. Migkebook ka so dinetengan ka te bosaw.”