Luc. 9:51 - Manobo Sarangani

⁵¹ Sagwa agpet den domateng se aldaw te pegkeengat i Jesus doton te langit, miglalang sikandin domoton te Jerusalem.

Luc. 9:51 ပူးပေါင်းရင်းမြစ်များ

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Luc. 18:31

Nayan, migtipon si Jesus te sìyan sempolò teg dowa tinoledaan din, aw minikagi sikandin, “Na, domoton kidon den te Jerusalem amon metoman se kedita te pakang insolat te menge telekeliwat te kagi te Timanem tepad kanak Timanem Migpekeotaw.

Luc. 13:22

Pegpesalo i Jesus doton te Jerusalem, minapit sikandin kidoen te teg sebad-sebad lonsod inokitan din amon megtoladà.

Luc. 17:11

Pegpesalo i Jesus doton te Jerusalem, minokit sikandin diyà te pigkitaan te probinsya te Samarya aw Galiliya.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Efeso 1:20

pineokit te ininang din diyà ki Cristo, so inantay din sikandin lekat te nematay, aw impenenoo din sikandin kidoen te tangkil din doton te langit amon lomowan heman doma din.

Ininang 1:9

Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Juan 17:11

Nayan, agpet a den molì doton kamno, aw eked a peg-ogpà dini te keneyonan. Meneng meg-ogpà pa dini te keneyonan se kedita te sakop ta. Amà, metòlid se kedita te eg-inangen nikaw. Peg-ipat ka kandan amon eked dan soway lekat te kebenalan tepad te kamno pegkeotawun insalig no kanak. Peg-ipat ka kandan amon megsebad dan te pedowan, iling te pegsebad te pedowan ta.

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 16:5

Meneng agpet a den molì doton te Amay ko simogò kanak. Nepela a kenyo so pengkey mesayo a den, wedà kaw peg-insà tepad te pegkesayo ko.

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 6:62

Labi pa besi se kebensi niyo aw kitaen a niyo Timanem Migpekeotaw aw megpeengat a doton te langit eg-ogpaan ko kedengan.

Luc. 24:51

Dalem pa te pegtawal-tawal din, timanan sikandin kandan aw neengat doton te langit.

Luc. 19:28

Penga te peg-ikagi i Jesus kenyan, nekeonà sikandin te doma otaw pesalo doton te Jerusalem.

Luc. 19:11

Gayed egpenenalan se kedita te otaw diyà ki Jesus, aw mig-indan sikandin te tegdeyanan, so medapag den sikandin te Jerusalem, aw eden dan aw agpet den megtebò se Timanem lomowan diyà kandan.

Luc. 12:50

Meneng keilangan onà a kelimahan. Ontò melima se pegtagad ko kenyan. Ibeg ko peden mepenga den.

Filipos 3:14

Gayed a egpekagsen iling te otaw egkoyà gayed egkagnan pesalo doton te temanan amon mekekinawà a te ontong ibegay te Timanem kanak, so tinawal a din meg-ogpà doton te langit tandà te ininang i Jesu Cristo kanak.

Luc. 9:57

Dalem te peg-ipanaw dan, doen otaw minikagi diyà ki Jesus, “Pengkey kenan ka pesalo, gayed a tomaking kamno.”