Luc. 9:48 - Manobo Sarangani

⁴⁸ Penga niyan, minikagi si Jesus, “Aw megsagman se otaw te batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, segmanen din heman se Amay ko simogò kanak. Se otaw ontò megpedanà kidoen kenyo, yan se ontò melangkaw.”

Luc. 9:48 ပူးပေါင်းရင်းမြစ်များ

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Mat. 18:14

Iling heman kenyan se keluba te Amay ko doton te langit, so eked sikandin keibeg aw doen sakop din medanà mekesoway lekat kandin, pengkey sebad.”

Mat. 19:28

Minikagi si Jesus, “Eneng-enengi niyo se kagi ko kenyo seini. Aw inangen te Timanem kaling se keneyonan, menenoo a Timanem Migpekeotaw doton te melangkaw onsedanan te peglowan. Sikiyo menge tinoledaan ko, menenoo kaw heman doton te sempolò teg dowa onsedanan te peglowan, so lomowan kaw diyà te sempolò teg dowa pongan te menge bowad-bowad i Israel.

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Mat. 25:45

Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’

Mar. 9:37

“Aw megsagman se otaw te sakop ko iling te kedanà te sebad batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, kenà olò siaken se segmanen din, so segmanen din heman se Amay ko simogò kanak.”

Luc. 10:16

Minikagi heman si Jesus diyà te menge tinoledaan insogò din, “Aw menenalan se otaw diyà kenyo, siak heman se penenelanen din. Aw eked penenalan se otaw diyà kenyo, siak heman se eked din penenelani. Aw eked penenalan se otaw diyà kanak, eked din heman penenelani se Amay ko simogò kanak.”

Luc. 14:11

Aw megpelangkaw-langkaw se otaw, meinang sikandin medanà. Meneng aw megpedanà se otaw te kandin pegkeotawun, meinang sikandin melangkaw.”

Luc. 22:26

Meneng eked kepakay aw meg-iling kaw kandan, so se melangkaw otaw diyà kenyo, yan se keilangan meinang iling te adi niyo. Se pengolo niyo, yan se keilangan meinang iling te sogounun niyo.

Luc. 22:30

se megdoma kanak te pegkaen ko kidoen te peglowan ko. Sikiyo heman se isawol ko lomowan diyà te sempolò teg dowa pongan te menge bowad-bowad i Israel.”

Luc. 7:28

Minikagi heman si Jesus, “Eneng-enengi niyo se kagi ko seini. Wedad palos otaw dini lanto te tanà labi pa melangkaw diyà ki Juan. Meneng labi pa melangkaw diyà ki Juan se kedita te otaw megpesakop diyà te peglowan te Timanem.”

Juan 13:20

Eneng-enengi niyo se kagi ko kenyo. Aw megsagman se otaw te menge sogounun ko, segmanen a din heman. Aw megsagman se otaw kanak, segmanen din heman se Amay ko simogò kanak.”

Juan 14:21

“Se otaw menenalan te impunù ko aw tomolò kenyan, yan se otaw ontò dakel se pedowan din kanak. Se otaw dakel se pedowan din kanak, yan se egkedekelan te Amay ko te pedowan, aw dakel heman se pedowan ko kandin, aw megpekità a heman kandin.”

1 Tesalonika 4:8

Yan aw doen otaw eked tolò te punù sìyan, kenà otaw se egkuluwan din meneng egkuluwan din se Timanem nemegay kenyo te Espiritu Santo.

1 Pedro 5:6

Yan keilangan megpedanà kaw diyà te Timanem Metolos, so aw domateng se aldaw pinemallì din, inangen kaw din melangkaw.

Impekità 21:14

Doen sempolò teg dowa dakel bato pinetindegan te alad, aw sinolatan se bato te menge ngadan te sempolò teg dowa sogounun te Karniro.

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.