Luc. 9:45 - Manobo Sarangani

⁴⁵ Meneng wedà dan ketegahi aw eden se kedegdagan te inikagi din sìyan, so wedà iyan keinang mebangal amon eked dan iyan kelebeti. Meneng wedad otaw mig-insà kandin tepad kenyan, so neyàyà dan.

Luc. 9:45 ပူးပေါင်းရင်းမြစ်များ

Luc. 18:34

Meneng wedà pekelabet se tinoledaan din te sìyan inikagi i Jesus. Wedà petega-tegahi se kedegdagan niyan diyà kandan, aw yan se doun te wedà dan pekelabet.

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Luc. 2:50

Meneng wedà dan kelebeti se kedegdagan te inikagi din diyà kandan.

Mar. 9:32

Meneng wedà dan ketegahi aw eden se kedegdagan te inikagi din sìyan, meneng wedad mig-insà kandin tepad kenyan, so neyàyà dan.

Juan 14:5

Minikagi si Tomas, “Pengolo, wedà day ketegahi se dotonan nikaw. Yan eked day heman ketegahi se dalan.”

Juan 12:34

Meneng minikagi se menge otaw, “Doen intoladà kenami kidoen te kagi te Timanem insolat, te wedad palos temanan te peglowan te Misiyas megpelowà kenitadon. Meneng minikagi ka te keilangan isawol se Timanem Migpekeotaw kidoen te kayo intollok. Nengà lay iyan? Sinu lay se sìyan Timanem Migpekeotaw?”

Mar. 9:10

Timolò dan te punù din sìyan. Meneng gayed dan migpeinsaay aw eden se kedegdagan te inikagi din tepad te pegkeantay din lekat te nematay.

Mat. 16:22

Penga niyan, migpedapag si Pedro diyà ki Jesus, aw sinagda din, kagi din, “Pengolo, eked peden iyan keinang te Timanem diyà kamno. Eked palos iyan ketoman.”

Luc. 9:46

Nayan, migpedindilay se menge tinoledaan i Jesus aw sinu se ontò melangkaw diyà kandan.

Mat. 17:22

Nayan, pegketipon te menge tinoledaan i Jesus doton te probinsya te Galiliya, minikagi si Jesus, “Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.

Juan 4:33

Yan migpeinsaay dan, “Doen lay lebò nemegay kandin te kànen?”