Luc. 9:31 - Manobo Sarangani

³¹ Pegpekità dan, minanyag dan heman. Migpebelaw-belaway se telo dan tepad te pegkematay i Jesus, so yan se tomanen din te eked kenamay doton te Jerusalem.

Luc. 9:31 ပူးပေါင်းရင်းမြစ်များ

Luc. 9:22

Minikagi heman si Jesus, “Pengkey Timanem a Migpekeotaw, meneng metoman a ontò elegen, aw kuluwan a te menge obanen te Judiyo aw menge pengolo te simbahan aw menge menenoladà te punù. Imetayan a, meneng penga niyan te iketelo te aldaw, meantay a lekat te nematay.”

Luc. 9:30

Pegketà doen dowa otaw migbalaw-balaw kandin, si Moises aw si Elias.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

Filipos 3:21

Aw lomikò sikandin, inangen din iling te lawa din eked kematay se lawa tadon egkematay. Yan se inangen din pineokit te tolos din, so metolos sikandin aw mekedaeg sikandin te kedita pengkey kenan amon lomowan sikandin diyà kandan.

Kolasas 3:4

Si Cristo se nemegay kenyo te kaling pedowan wedad temanan. Aw lomikò sikandin, entayen kaw din aw megdoma kaw kandin te peglowan din.

Menge Hebreo 11:22

Simalig heman si Jose diyà te Timanem, so te agpet den sikandin matay, minikagi sikandin te domateng se aldaw te mesayo se kedita te menge bowad-bowad i Israel lekat te Ehipto. Yan se doun te nemoyò heman sikandin te keilangan ibingen dan se menge tòlan te lawa din te pegkesayo dan lekat te Ehipto amon ilebeng se tòlan din doton te tanà impakang te Timanem kandan.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

2 Pedro 1:15

Yan se doun te doen isolat ko amon penga te pegkematay ko, eked niyo kelibeli se intoladà ko diyà kenyo.

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.