Luc. 9:23 - Manobo Sarangani

²³ Nayan, minikagi si Jesus diyà te kedita dan nenenalan kandin, kagi din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Luc. 9:23 ပူးပေါင်းရင်းမြစ်များ

Roma 8:13

so aw egbeyà-beyaan kaw te medaet ibeg te pedowan niyo, detengan kaw te kemetayun wedad temanan. Meneng aw pineokit te tabang te Espiritu Santo lomengà kaw te peg-inang niyo te salà, doen kaling pedowan niyo wedad temanan,

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

2 Timoteo 3:12

Pemilangen pa se kedita te otaw migpesakop diyà ki Jesu Cristo aw melobos se pedowan dan tomolò te ibeg te Timanem.

Tito 2:12

Pineokit te tabang din, netegahan tadon te keilangan lomengà kidon meg-inang te eked keibegi te Timanem. Keilangan lomengà kidon tomaking te medaet ibeg te pedowan tadon dini lanto te tanà, so keilangan megpekebatol kidon, aw metòlid se inangen tadon, aw tomaking kidon te ibeg te Timanem dalem te peg-ogpà tadon dini lanto te tanà.

Menge Hebreo 13:13

Yan, impelowà kidon den lekat te menge punù ingkeliwat i Moises. Keilangan tenanan tadon se kedita niyan aw tomaking kidon te Pengolo tadon nematay doton te lowà te lonsod. Keilangan eked kidon kelemitan aw pemilangen kidon tandà te pegtaking tadon kandin, so pinemilang heman sikandin.