Luc. 9:22 - Manobo Sarangani

²² Minikagi heman si Jesus, “Pengkey Timanem a Migpekeotaw, meneng metoman a ontò elegen, aw kuluwan a te menge obanen te Judiyo aw menge pengolo te simbahan aw menge menenoladà te punù. Imetayan a, meneng penga niyan te iketelo te aldaw, meantay a lekat te nematay.”

Luc. 9:22 ပူးပေါင်းရင်းမြစ်များ

Luc. 24:7

Inikegiyan kaw din te keilangan ibegay sikandin Timanem Migpekeotaw diyà te belad te menge otaw nelegeb te salà amon imetayan dan sikandin ilansang diyà te kros, aw penga niyan, meantay sikandin lekat te nematay te iketelo te aldaw.”

Luc. 9:44

“Keilangan ontò kaw menenalan te kagi ko kenyo seini. Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.”

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

Mar. 9:31

amon eked keanggà se pegtoladà din te menge tinoledaan din. Minikagi sikandin, “Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw. Penga niyan, imetayan a dan, meneng penga te telo se aldaw, meantay a lekat te nematay.”

Mar. 8:31

Nayan, migtoladà si Jesus diyà te menge tinoledaan din aw eden se metoman domateng diyà kandin Timanem Migpekeotaw. Ontò sikandin elegen, aw kuluwan sikandin te menge obanen te Judiyo aw menge pengolo te simbahan aw menenoladà te punù ingkeliwat i Moises. Metoman sikandin imetayan, meneng penga niyan te telo se aldaw, meantay sikandin lekat te nematay.

Mat. 17:12

Meneng mikagi a den diyà kenyo te dimateng den sikandin, aw wedà sikandin kilelai te doma otaw. Meneng medaet se ininang dan diyà kandin. Iling heman kenyan se medaet inangen dan diyà kanak Timanem Migpekeotaw.”

1 Korinto 15:4

Inlebeng sikandin, aw penga niyan te iketelo te aldaw, inantay sikandin te Timanem lekat te nematay, aw yan netoman se kagi te Timanem tapay insolat.

Luc. 24:26

Nepela a so wedà niyo ketegahi te eked lowan se Misiyas singed aw onà sikandin imetayan iling te neinang den seini.”

Mat. 17:22

Nayan, pegketipon te menge tinoledaan i Jesus doton te probinsya te Galiliya, minikagi si Jesus, “Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Mat. 27:63

aw minikagi dan, “Sir, doen neeneng-enengan day. Te wedà pa kematay se otaw sìyan migpelingo-lingo Misiyas, minikagi sikandin te meantay lekat te nematay te iketelo te aldaw.

Luc. 17:25

Meneng eked a likò singed aw ontò a elegen, aw onà a kuluwan te menge otaw te aldaw seini.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”