Luc. 9:20 - Manobo Sarangani

²⁰ Mig-insà si Jesus, “Meneng eden lay se kenyo aneng-aneng tepad kanak? Sinu a lay?” Timaba si Pedro, “Sikona se Misiyas insogò te Timanem dini kenami.”

Luc. 9:20 ပူးပေါင်းရင်းမြစ်များ

Juan 7:41

Minikagi se menge doma otaw, “Sikandin se Misiyas megpelowà kenitadon.” Meneng doen heman menge doma otaw minikagi, “Kenà sikandin se egpelimanan tadon, so kenà tege Galiliya se Misiyas megpelowà kenitadon.

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

Ininang 9:22

Labi pa migkeinit se pedowan i Saulo te peg-indan din te benal si Jesus se Misiyas insogò te Timanem. Wedà pekedaeg kandin se menge Judiyo eg-ogpà doton te Damasko, so ontò mèpiya se inikagi din.

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Mar. 8:29

Mig-insà si Jesus, “Meneng eden lay se kenyo aneng-aneng tepad kanak? Sinu a lay?” Timaba si Pedro, kagi din, “Sikona se Misiyas insogò te Timanem dini kenami.”

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Luc. 22:67

“Sikona ekon se Misiyas egpelimanan day. Indani kay den aw benal iyan.” Meneng minikagi si Jesus, “Pengkey indanan ko sikiyo te kebenalan, meneng eked kaw pemenal kanak.

Mar. 14:61

Meneng wedà taba si Jesus. Minikagi heman se ontò pengolo te simbahan, “Sikona ekon se Misiyas, sìyan Batà te Timanem. Indani kay den aw benal iyan.”

Mat. 22:42

kagi din, “Eden lay se aneng-aneng niyo tepad te Misiyas? Sinu lay se kemonaan din?” Timaba dan, “Bowad-bowad i David se Misiyas isogò te Timanem.”

Mat. 5:47

Keilangan segmanen niyo se kedita te otaw. Aw olò menge kedomaan niyo Judiyo se segmanen niyo, wedad eg-inangen niyo labi pa mèpiya diyà te eg-inangen te doma, so se kedita te otaw kenà Judiyo eglindoan niyo, gayed dan egsagman te menge kedomaan dan.

Mat. 26:63

Meneng wedà taba si Jesus. Penga niyan, minikagi se ontò pengolo te simbahan, “Megpunù a den diyà kamno pineokit te ngadan te Timanem eked palos kematay te keilangan meg-indan ka den te kebenalan. Sikona ekon se Misiyas, sìyan Batà te Timanem. Indani kay den aw benal iyan.”

Luc. 9:19

Timaba dan, “Medita se otaw eg-ikagi te sikona si Juan Memonyagay. Meneng doen heman eg-ikagi te sikona si Elias. Doen heman eg-ikagi te sikona se sebad telekeliwat te kagi te Timanem gebii neantay den lekat te nematay.”