Luc. 9:19 - Manobo Sarangani

¹⁹ Timaba dan, “Medita se otaw eg-ikagi te sikona si Juan Memonyagay. Meneng doen heman eg-ikagi te sikona si Elias. Doen heman eg-ikagi te sikona se sebad telekeliwat te kagi te Timanem gebii neantay den lekat te nematay.”

Luc. 9:19 ပူးပေါင်းရင်းမြစ်များ

Mat. 14:2

Minikagi sikandin diyà te menge opisyal, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Mat. 3:1

Nayan, dimateng se aldaw te pegdoton i Juan Memonyagay te kebigtilan kidoen te probinsya te Judiya. Migtoladà sikandin, kagi din,

Mar. 6:14

Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Mar. 6:15

Meneng doen heman menge doma otaw eg-ikagi, “Sikandin se telekeliwat te kagi te Timanem gebii si Elias.” Doen heman menge doma otaw eg-ikagi, “Ontò sikandin telekeliwat te kagi te Timanem, iling te menge telekeliwat te kagi te Timanem gebii.”

Luc. 9:18

Nayan, doen sebad aldaw migtawal-tawal si Jesus sebad din, aw medapag heman kidoen se menge tinoledaan din. Penga niyan, mig-insà si Jesus diyà kandan, kagi din, “Eden lay se kagi te kedita te otaw tepad kanak? Sinu a lay ekon?”

Luc. 9:20

Mig-insà si Jesus, “Meneng eden lay se kenyo aneng-aneng tepad kanak? Sinu a lay?” Timaba si Pedro, “Sikona se Misiyas insogò te Timanem dini kenami.”

Juan 1:21

Mig-insà dan, “Sinu ka lay? Si Elias ka lay?” Timaba si Juan, “Kenà ko.” Minikagi dan, “Sikona besi se sìyan doma telekeliwat te kagi te Timanem pinelimanan day.” Timaba sikandin, “Kenà ko.”

Juan 1:25

Mig-insà dan heman, “Aw kenà nikaw se Misiyas megpelowà kenami, aw kenà nikaw heman si Elias limikò dini, aw kenà nikaw heman se sìyan doma telekeliwat te kagi te Timanem egpelimanan day, nengà lay egpemonyag ka?”

Juan 7:40

Pegdineg dan te inikagi din, doen menge otaw minikagi, “Sikandin se ontò benal telekeliwat te kagi te Timanem tapay din impakang.”

Juan 9:17

Penga niyan, mig-insà dan diyà te otaw negolì se mata, “Eden lay se kamno aneng-aneng tepad kandin? So kamno mata se pinegolì din.” Timaba sikandin, “Telekeliwat sikandin te kagi te Timanem.”