Luc. 9:16 - Manobo Sarangani

¹⁶ Penga niyan, inabat i Jesus se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din iyan aw imbegay din diyà te menge tinoledaan din amon iteped dan diyà te menge otaw netipon.

Luc. 9:16 ပူးပေါင်းရင်းမြစ်များ

Mat. 14:19

Penga niyan, impeonsad din se kedita te otaw kidoen te sagbet. Inabat din se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din se pan aw imbegay din diyà te menge tinoledaan din, aw imbegay dan iyan diyà te menge otaw netipon.

Luc. 24:30

Peg-iyambong dan, inabat din se pan, aw migpesiontong sikandin diyà te Timanem, aw binelà-belà din, aw imbegay din diyà kandan.

Mat. 15:36

Inabat din se pito pan aw ikan, aw migpesiontong diyà te Timanem kenyan. Binelà-belà din iyan, aw imbegay din diyà te menge tinoledaan din, aw inteped dan diyà te menge otaw netipon.

Roma 14:6

Aw meibeg se otaw megsimba te sebad aldaw, Timanem se ipegduyun din pineokit te pegtaking din te ketanem sìyan. Iling heman kenyan, aw egpengaen se otaw te pengelapen, Timanem se egbesahan din pineokit te pegpengaen din te pengelapen, so Timanem se egpesiontongan din kenyan. Meneng aw kenà egpengaen se otaw te pengelapen, Timanem se egbesahan din pineokit te kenà din pegpengaen te pengelapen, aw egpesiontong sikandin diyà te Timanem te egpengànen din.

Ininang 27:35

Penga niyan, inabat i Pablo se pan, aw migpesiontong diyà te Timanem, aw pigbelà-belà din se pan, aw kimaen.

Juan 6:23

Wedà dan pegkità ki Jesus, meneng doen menge belangay lekat te Tibiryas migdong dapag te tanà kinànan dan te pan impesiontong i Jesus.

Juan 6:11

Inabat i Jesus se lima pan, aw migpesiontong kenyan diyà te Timanem, aw impeteped din iyan diyà te menge otaw minonsad. Onawa heman se ininang din diyà te ikan lamig nebesog se kedita dan.

Luc. 22:19

Nengabat heman sikandin te pan. Penga te pegpesiontong din, binelà-belà din iyan, aw inteped din diyà kandan, aw minikagi, “Se pan seini, yan se lawa ko [imetayan amon mekelowà kaw. Inangi niyo iling kani amon gayed a niyo keeneng-enengan.”

1 Korinto 11:24

aw penga te pegpesiontong din, binelà-belà din iyan aw minikagi, “Se pan seini, yan se lawa ko imetayan amon mekelowà kaw. Inangi niyo iling kani amon gayed a niyo keeneng-enengan.”

1 Korinto 10:30

so aw megpesiontong a te kànen ko, eked kepakay aw silahen a tandà te pegkaen ko te pinesiontongan ko diyà te Timanem.

Mar. 7:34

Penga niyan, limengag sikandin doton te langit aw migpedo-pedo tandà te keido din, aw minikagi, “Efata.” (Se kelebadan niyan, “Keowang ka den.”)

Luc. 9:15

Timolò dan, aw impeonsad dan se kedita te otaw.

Luc. 9:17

Kimaen se kedita dan aw nebesog dan. Penga niyan, inimon dan se samà te pan kinaen dan, aw sempolò teg dowa se buun nepenò.