Luc. 9:1 - Manobo Sarangani

¹ Nayan, doen sebad aldaw migtipon si Jesus te sempolò teg dowa tinoledaan din, aw imbegay din diyà kandan se tolos amon megpelowà dan te bosaw lekat te otaw aw amon megpegolì dan te otaw doen mesakit.

Luc. 9:1 ပူးပေါင်းရင်းမြစ်များ

Mat. 16:19

Isogò ko sikona meg-owang te lelebangan amon medita se otaw megpesakop diyà te peglowan te Timanem. Aw megpunù ka te doen eked kepakay inangen dini lanto te tanà, eked heman iyan kepakay inangen doton te langit. Aw megpunù ka te doen mepakay inangen dini lanto te tanà, mepakay heman iyan inangen doton te langit.”

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Mat. 8:9

Gayed a egtolò te otaw egsogò kanak, aw doen heman menge sondalo nesakop diyà kanak. Aw doen sondalo isogò ko, tomolò sikandin. Aw doen doma ipeangay ko, tomolò heman. Aw doen ipeinang ko te sineligan, yan se inangen din.”

Luc. 10:1

Penga niyan, pinemallì te Pengolo se kepitowan teg dowa otaw, aw insogò din dan teg dowa-dowa doton te kedita te lonsod aw ogpeanan agpet dotonan din, amon megpeketagad se kedita te otaw te pegdateng din.

Luc. 10:19

Ikà niyo egkelibel kani. Doen tolos imbegay ko kenyo amon domaeg kaw te kedita te sakop i Satanas. Pengkey gìtan niyo se memokan aw doma mekeilo, meneng eked kaw elegi, so wedad palos meleg kenyo.

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Ininang 3:16

Pineokit te ngadan i Jesus egseligan day, negolian den se otaw seini kinità aw kinilala niyo. Pineokit te pegsalig ki Jesus, nekeipanaw den sikandin aw yan se kinità niyo.

Ininang 4:30

Pekitai se ketolos nikaw, aw pegolii se menge otaw doen mesakit. Pekitai se kepelahan aw doma inang no metolos pineokit te ngadan te insogò no si Jesus.”

Ininang 9:34

Minikagi si Pedro kandin, “E Eneas, enaw ka, so pinegolì ka i Jesu Cristo. Loloni se inibatan nikaw.” Pegketà minenaw si Eneas.