Luc. 8:54 - Manobo Sarangani

⁵⁴ Meneng pinemàdan din se belad te batà, aw minikagi te dakel se kagi din, “Atà, enaw ka.”

Luc. 8:54 ပူးပေါင်းရင်းမြစ်များ

Mat. 9:25

Pegkeobos te otaw netipon, minawop si Jesus diyà te tambì, aw pinemàdan din se belad te batà, aw minenaw se batà.

Mar. 1:31

Penga niyan, dimoton si Jesus kandin, aw minawid te belad din, aw impeenaw din. Migkèpiya sikandin, aw penga niyan mig-inang te kànen i Jesus aw menge doma din.

Mar. 8:23

Minawid si Jesus te belad te otaw bota, aw inagak din doton te lowà te lonsod. Penga niyan, migsawol sikandin te ngingi diyà te mata te bota, aw nemaed kandin, aw mig-insà, “Doen lay den kinità nikaw?”

Mar. 9:27

Meneng inewidan i Jesus se belad din aw impeenaw din, aw yan neketindeg.

Luc. 8:51

Pegdateng dan doton te balay i Jairo, wedad doma otaw impetaking i Jesus doton didalem, meneng olò si Pedro, si Juan, si Santiago, aw amay aw inay te batà.

Luc. 8:53

Meneng nebebeyatan dan si Jesus, so tapay dan netegahan te ontò den nematay se batà.

Luc. 8:55

Penga niyan, neantay sikandin aw minenaw. Penga niyan, migpunù si Jesus te ipekaen dan sikandin.

Juan 11:43

Penga te pegtawal-tawal i Jesus, timawal sikandin te dakel se kagi din, “Lazaro, lowà ka den kidoen.”

Juan 5:21

Eg-antay se Amay ko te otaw nematay, aw egpemegay kandan te kaling pedowan. Iling heman kenyan se inangen ko, so memegay a heman te kaling pedowan diyà te kedita te otaw pemellien ko.

Ininang 9:40

Meneng impelowà i Pedro se kedita dan kidoen. Limongken si Pedro aw migtawal-tawal diyà te Timanem. Penga niyan, minasdang diyà te lawa te nematay aw minikagi, “E Tabita, enaw ka.” Penga niyan, gimimata si Dorcas. Pegkità din ki Pedro, minenaw.

Roma 4:17

Doen kagi te Timanem ki Abraham insolat, “Inangen ko sikona kemonaan te medita pongan.” Yan ininang te Timanem si Abraham olo te kedita tadon egpemenal te Timanem iling te pegpemenal i Abraham kandin. Timanem se mekeantay te otaw lekat te nematay, aw mekebatog sikandin meg-inang te wedà pa palos inangi pineokit te kagi din.