5 “Doen otaw dimoton te pawà amon menabog te benì, so yan se ketanem te pegpenanem din. Pegsabog din, doen benì nesabog diyà te dalan, aw negìtan iyan te otaw aw kinaen te menge manok te kebenesan.
“Dalem te peg-ogpà niyo dini te keneyonan, iling kaw te asin isanged diyà te kànen. Meneng simpana megkewedad se kepait te asin, eked iyan ketodà. Keilangan iagbel, so wedad den kekemowan niyan, aw gìtan iyan te otaw mokit kidoen.
Se benì nesabog diyà te dalan, yan se iling te otaw toledaan te kagi te Timanem. Aw domineg dan kenyan, doen inangen i Satanas amon kelibelan dan se kagi te Timanem dinineg dan.
So ontò melangkaw si Cristo, yan se doun te netegahan tadon den te keilangan ontò kidon menenalan te menge kebenalan intoladà kenitadon, amon eked kidon soway lekat kenyan.