Luc. 8:47 - Manobo Sarangani

⁴⁷ Nayan, pegketaga-taga te bayi te eked keeles se ininang din, migpedapag sikandin diyà ki Jesus aw tinegangtang tandà te lamit din. Limongken sikandin diyà ki Jesus aw mig-indan aw eden se tod din. Dimineg heman se kedita te otaw te kagi din te negolì den se mesakit din te lekat te pegpemaed din ki Jesus.

Luc. 8:47 ပူးပေါင်းရင်းမြစ်များ

Mat. 28:8

Penga niyan, migpekegaen dan se nesayo lekat te lebeng. Pengkey nelemitan dan, meneng ontò heman neluba se pedowan dan. Kimagnan dan amon meg-indan dan kenyan diyà te menge tinoledaan i Jesus.

Mar. 5:33

Nelemitan se bayi sìyan, so netegahan din te negolì den se mesakit din. Yan migpedapag sikandin diyà ki Jesus aw tinegangtang tandà te lamit din. Limongken sikandin diyà ki Jesus aw mig-indan kandin te kedita tepad te mesakit din aw pegkegolì niyan.

Luc. 8:46

Meneng minikagi si Jesus, “Doen gina otaw nemaed kanak, so mig-imanman a te doen tolos limowà lekat kanak amon megpegolì te otaw.”

Luc. 8:48

Minikagi si Jesus, “Atà, simalig ka diyà kanak, aw yan se doun te negolian ka. Olì ka den. Ibeg ko doen kelinaw te pedowan nikaw.”

Ininang 16:29

Penga niyan, impeangay te otaw egtonggò se solò, aw ayas minawop. Limongken sikandin diyà ki Pablo aw si Silas, aw tinegangtang tandà te lamit din.

1 Korinto 2:3

Peg-ogpà ko doton kenyo, iling te melomay se lawa ko aw tinegangtang a, so nelemitan a aw eked ko ketoman se ibeg te Timanem inangen ko doton.

2 Korinto 7:15

Labi pa dakel se pedowan i Tito kenyo seini, so gayed din egkeeneng-enengan se pegtolò te kedita niyo te punù impeibing ko kandin, aw ontò meagka se pedowan niyo migsagman kandin.

Filipos 2:12

Yan menge kedowa ko egkedekelan ko te pedowan, pegdoma ko kenyo kedengan, gayed kaw egtolò te ibeg te Timanem. Pengkey wedad a den doton kenyo seini, meneng keilangan labi kaw pa megpekeaseb te pegtolò niyo kandin aw pegsagman niyo kandin, lamig mesikop se pegpelowà din kenyo,

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,