Luc. 8:39 - Manobo Sarangani

³⁹ “Olì ka den aw peg-indan ka diyà te menge kedomaan no tepad te mèpiya ininang te Timanem diyà kamno.” Penga niyan, nesayo sikandin aw mig-indan diyà te kedita te otaw te lonsod tepad te mèpiya ininang i Jesus diyà kandin.

Luc. 8:39 ပူးပေါင်းရင်းမြစ်များ

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.

Mar. 5:18

Penga niyan, te pegsakay i Jesus te belangay, nemoyò se otaw pinelowaan te bosaw aw mepakay sikandin tomaking.

Mar. 5:19

Meneng wedà din petekingi, so inikegiyan i Jesus, “Olì ka den doton te menge kedomaan nikaw, aw peg-indan ka kandan tepad te mèpiya ininang te Pengolo kamno, aw keido din kamno.”

Luc. 8:38

Meneng nemoyò se otaw pinelowaan te bosaw aw mepakay sikandin tomaking. Meneng wedà din petekingi, so inikegiyan i Jesus,

Luc. 8:40

Peg-olì i Jesus doton dipag te lanaw, medita se otaw simongon kandin, so tapay dan migtagad kandin.

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

1 Timoteo 5:8

Aw doen otaw egpemenal kenà egpenogpò te kandin pamilya, labi pa aw kenà egpenogpò te otaw eg-ogpà diyà te kandin balay, yan se otaw timinàyog te kebenalan tapay pinemenalan din, aw labi pa medaet se ketanem din diyà te ketanem te otaw kenà egpemenal.