Luc. 8:35 - Manobo Sarangani

³⁵ Penga niyan, dimoton se menge otaw inindanan dan amon komità dan kenyan. Pegdateng dan doton ki Jesus, kinità dan se otaw pinelowaan te bosaw. Nenenoo sikandin kidoen te dapag i Jesus, aw nenelowal den, aw migkèpiya den sikandin. Pegkità dan kenyan, nelemitan dan.

Luc. 8:35 ပူးပေါင်းရင်းမြစ်များ

Luc. 10:39

Dalem te peg-inang i Marta te kànen, gayed nenenoo se adi din si Maria diyà te dapag i Jesus amon menenalan te itoladà din.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Ininang 22:3

“Siaken se doma niyo Judiyo. Timebaw a doton te Tarso, sebad lonsod doton te Silisya. Timilles a dini te Jerusalem. Si Gamaliel se meistro migtoladà kanak. Mig-iling a te kedita te punù egtoloen te kemonaan tadon. Measeb a egtolò te Timanem onawa te keaseb niyo songkani.

Luc. 8:27

Pegtenà i Jesus, kinità din se tege Gerasa simongon kandin. Dinetengan sikandin te bosaw, aw nenamay den migpetabeg-tabeg. Kenà eg-ogpà diyà te balay, meneng eg-ogpà doton te menge lebenganan.

Luc. 15:17

Meneng mig-aneng-aneng sikandin, ‘Se kedita te otaw egterbaho kidoen te amay ko, ontò dakel se kànen dan. Meneng siak, agpet a matay dini tandà te ballos ko.

Luc. 2:46

Te iketelo te aldaw, kinità dan sikandin kidoen te dakel simbahan doton te Jerusalem. Dimoma sikandin te menge menenoladà, aw nenenalan sikandin diyà kandan aw mig-insà heman diyà kandan.

Mar. 5:15

Pegdateng dan doton ki Jesus, kinità dan se otaw pinelowaan te minelalan se bosaw. Nenenoo sikandin, aw nenelowal den, aw migkèpiya den. Pegkità dan kenyan, nelemitan dan.

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Luc. 8:34

Pegkità te menge telediyaga te osa kenyan, kimadas dan aw mig-indan dan tepad kenyan doton te lonsod aw kedepagan niyan.