Luc. 8:31 - Manobo Sarangani

³¹ Gayed dan egpemoyò diyà ki Jesus te eked din dan peibingi doton te kilot aw ipelumun.

Luc. 8:31 ပူးပေါင်းရင်းမြစ်များ

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

Impekità 19:20

Pegbolaw dan, dinakep se menenanap mebolot. Dinakep heman se telekeliwat te kebolalaw, sìyan tapay mig-inang te menge kepelahan pineokit te tolos te simogò kandin, amon meg-akal te kedita te otaw pinengilelaan te menenanap mebolot aw otaw migsimba te inotaw impeinang din. Penga niyan, in-agbel se menenanap aw telekeliwat din doton te lanaw apoy doen esopri eglegdeg.

Impekità 17:8

Sìyan menenanap mebolot kinità no, doen pedowan din kedengan, meneng nematay den. Meneng te eked kenamay, meantay aw lomowà lekat te awang kidoen te tanà wedad temanan te kedalem. Aw lomowà iyan, iagbel iyan doton te kilot amon ipelumun. Mepela se kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se insolat te wedà pa inangi se keneyonan. Mepela dan so kinità dan se sìyan menenanap mebolot, aw nematay iyan, meneng meantay pa.

Impekità 11:7

Aw mepenga dan meg-indan te kebenalan, bolawen dan te menenanap mebolot lomowà lekat te awang diyà te tanà wedad temanan te kedalem. Dàgen se didowa dan te menenanap mebolot, aw imetayan din dan.

Impekità 9:11

Doen selotan te dolon nengibing kandan. Sikandin se anghil i Satanas aw pengolo te kedita dan kidoen te awang te tanà wedad temanan te kedalem. Ngadan din diyà te kagi te Hebreo si Abbadon. Ngadan din diyà te kagi te Griego si Apolyon. (Se kelebadan niyan, “Metibaet.”)

Luc. 8:28

Pegkità din ki Jesus, mig-olangag sikandin, aw limongken diyà ki Jesus, aw minikagi te dakel se kagi din, “Jesus, Batà te Timanem ontò melangkaw, ikà egsamok kanak. Memoyò a den diyà kamno, ikà bag egpeeleg kanak.”

Luc. 8:32

Ontò medita se osa nenowal doton te bontod medapag. Nemoyò se menge bosaw diyà ki Jesus aw mepakay diyà kandin malin dan doton te menge osa sìyan. Yan impealin din dan.

Roma 10:7

Eked heman kepakay aw meg-aneng-aneng kidon te keilangan doen pa domoton didalem te tanà amon meg-antay ki Cristo lekat te nematay.