Luc. 8:3 - Manobo Sarangani

³ aw si Juana sìyan esawa i Cusa sebad opisyal i Herod, aw si Susana, aw medita heman se doma. Se menge bayi sìyan, yan se migtabang ki Jesus aw menge doma din.

Luc. 8:3 ပူးပေါင်းရင်းမြစ်များ

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

Filipos 4:22

Pengkey kedita te menge sakop te Timanem dini, aw labi pa se menge otaw egterbaho doton te balay te selotan, ibeg te kedita dan metaga-taga kaw te eg-aneng-aneng dan kenyo.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Mat. 26:11

Gayed doen otaw sagkep mebatog niyo tebangan. Meneng eked a gayed peg-ogpà dini kenyo.

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Mat. 2:11

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Luc. 24:10

Se menge bayi sìyan, yan si Maria tege Magdala, si Juana, si Maria inay i Santiago, aw menge bayi doma dan. Peg-indan dan kenyan diyà te menge sogounun i Cristo,

Ininang 13:1

Doen menge telekeliwat te kagi te Timanem aw menenoladà te otaw egpemenal kidoen te Antyokya. Sikandan si Bernabe, aw si Simeon, se doma ngadan din si Meitem, aw si Lucio tege Sirene, aw si Saulo, aw si Manaen doma i Herod migpetillesay.

Mat. 14:1

Nayan, si Herod se otaw limowan doton te Galiliya, aw doen dinineg din tepad te eg-inangen i Jesus.

Mat. 14:3

Yan se inikagi din, so kedengan impedakep din si Juan, aw impegapos din, aw impekeleboso din. Yan se ininang din diyà ki Juan amon meluba se nayi din si Herodias inagaw din diyà te kedowa din si Felipe.

Mat. 14:6

Peg-inang i Herod te pista tepad te aldaw te pegtebaw din, simayaw se laga batà i Herodias amon meluba se menge otaw timanod. Ontò heman neluba si Herod,

Mat. 20:8

“Nayan, pegkedelem niyan, minikagi se otaw diyà te otaw sineligan din, ‘Tewali se kedita te otaw migterbaho, aw begayi kandan se tandan dan. Onai se otaw kaling migterbaho, aw modihi se otaw tapay migterbaho.’

Mat. 27:55

Medita heman se bayi kidoen kenà mediyò te kros, aw kinità dan se kedita te neinang. Sikandan se tapay timaking ki Jesus lekat te Galiliya taman te Jerusalem amon megtabang dan kandin.

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.