Luc. 8:18 - Manobo Sarangani

¹⁸ “Nayan, keilangan toloen niyo se dinineg niyo. Se otaw kominawà te kebenalan, yan se dogangan te kebenalan. Meneng se otaw eked kinawà te kebenalan, yan se pegwedadan te kebenalan.”

Luc. 8:18 ပူးပေါင်းရင်းမြစ်များ

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

Mat. 25:29

Se otaw egkeseligan, yan se begayan ko te labi pa dakel diyà te keilangan din. Meneng se otaw kenà egkeseligan, yan se ebatan ko te imbegay ko diyà kandin.

Mar. 13:14

“Doen pa domateng meg-inang te medaet doton te dakel simbahan te Jerusalem, pengkey eked iyan kepakay, aw ontò mekelamit te otaw. (Keilangan kelebetan iyan te kedita te otaw megbasa te kagi din sìyan insolat.) Aw kitaen niyo iyan doton te dakel simbahan, keilangan komadas se kedita te otaw lekat te Judiya pesalo doton te bontod.

Luc. 19:26

Timaba se selotan, ‘Penenalan kaw te kagi ko. Se otaw egkeseligan, yan se begayan ko te labi pa dakel. Meneng se otaw kenà egkeseligan, yan se ebatan ko te imbegay ko diyà kandin.

Luc. 9:44

“Keilangan ontò kaw menenalan te kagi ko kenyo seini. Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.”

Juan 15:2

Aw doen metesan belagen kidoen kanak kenà egpongo, yan se tepoen din. Meneng se kedita te belagen egpongo kidoen kanak, yan se linisan din amon labi pa dakel se paras mongo kidoen kenyan.

Ininang 10:33

Yan se doun te ayas ta impeangay. Mèpiya so dini ka den. Na, elew, netipon se kedita day amon menenalan kay te kagi te Pengolo ikeliwat no kenami.”

Ininang 17:11

Kenà iling te tege Tesalonika se menge otaw doton te Berya, so ontò measeb se tege Berya egpenenalan te kagi te Timanem. Kelikit te aldaw, migbasa dan te kagi te Timanem insolat amon ketegahan dan aw benal se intoladà i Pablo.

Roma 12:3

Tandà te pegsogò te Timanem kanak, doen den ipunù ko diyà te kedita niyo egpemenal. Ikà niyo egpelangkaw-langkaw. Meneng keilangan metòlid se aneng-aneng niyo tepad te mebatog niyo inangen tandà te kebiyasa imbegay te Timanem kenyo te pegsalig niyo diyà kandin.

1 Korinto 14:37

Aw doen otaw kidoen kenyo meg-aneng-aneng te sikandin se komeliwat te kagi te Timanem, aw doen doma kebiyasa din imbegay te Espiritu Santo kandin, yan keilangan ketegahan din te ontò punù te Pengolo tadon se insolat ko seini.

1 Korinto 3:18

Peg-ahà kaw amon wedad keekalan kenyo. Aw doen otaw kidoen kenyo eg-ikagi te doen den kebiyasa din dini te keneyonan, keilangan tenanan din se kebiyasa din sìyan amon kinewaen din se ontò kebiyasa ibegay te Timanem,

1 Korinto 8:2

Aw meg-aneng-aneng se otaw te netegahan din se kedita, kolang pa se pegketaga-taga din.

Filipos 3:4

Simpana ipelowà se otaw tandà te inang din aw pegkeotawun din, siaken se ontò ipelowà, so pengkey sinu otawi se eg-aneng-aneng te ipelowà sikandin pineokit te inang din aw pegkeotawun din, labi a pa melangkaw diyà kandin.

Menge Hebreo 2:1

So ontò melangkaw si Cristo, yan se doun te netegahan tadon den te keilangan ontò kidon menenalan te menge kebenalan intoladà kenitadon, amon eked kidon soway lekat kenyan.