Luc. 8:13 - Manobo Sarangani

¹³ Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Luc. 8:13 ပူးပေါင်းရင်းမြစ်များ

Juan 5:35

Si Juan Memonyagay, iling sikandin te solò ontò meanyag, aw neluba kaw tandà te intoladà din kenyo te wedà kenamay.

Judas 1:12

Egsilahen kaw te doma otaw, so aw metipon kaw komaen amon keeneng-enengan niyo se pegkematay te Pengolo tadon, makop se menge menenoladà sìyan diyà kenyo. Wedad yàyà dan tomoman te medaet ibeg dan, so yan olò se eg-eneng-enengen dan. Wedad ontong niyo diyà kandan so iling dan te labon wedad odan eg-ibingen te kelamag. Iling dan te kayo wedad palos pongo pengkey dimateng se aldaw te pegpongo niyan. Iling dan te kayo nelakat aw ontò den nematay.

2 Pedro 2:22

Pineokit kandan, netegahan tadon te benal se eg-ikegiyen seini, “Gayed eglikò se toyang egpengaen te indelowak din.” Benal heman se doma eg-ikegiyen, “Pengkey digosen se osa, meneng todà tomonà doton te pasak.”

2 Pedro 2:20

Aw egketaga-taga se menge otaw tepad te Pengolo tadon si Jesu Cristo migpelowà kenitadon, timanan dan te medaet keogpà te otaw dini te keneyonan. Meneng aw meboyo dan, aw todà dan dàgen te kededàtan, ontò medaet se keogpà dan labi pa medaet diyà te keogpà dan te wedà dan pa ketaga-taga tepad ki Cristo.

Menge Hebreo 10:39

Meneng menge kedowa ko, kenà kidon iling te sìyan telawun pegbàtan te Timanem, so melobos se pegsalig tadon diyà kandin, aw yan eked kidon din pegbàti.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Santiago 2:26

Eneng-enengi niyo ini. Wedad ontong te lawa aw wedad pedowan. Iling heman kenyan, wedad ontong te otaw memenal aw wedad mèpiya inang din.

1 Timoteo 1:19

Yan melobos se pegsalig no diyà te Timanem, aw metibok heman se ibeg no meg-inang te metòlid. Doen menge doma otaw pengkey netegahan dan aw eden se metòlid, meneng wedà dan iyan inangi, aw migkedaet se pegpemenal dan.

1 Tesalonika 3:5

Yan se doun te insogò ko si Timoteo doton kenyo. So ontò a dimela kenyo, insogò ko sikandin amon metaga-taga a tepad te pegtaking niyo te Timanem, so netetana a aw neekalan kaw i Satanas, aw yan nebàtan besi se nebatog day doton kenyo.

Kolasas 2:7

Aw lobosen niyo se pegsalig niyo diyà ki Cristo, iling kaw te kayo medalem se dalid, aw iling kaw te balay ontò dimasel. Aw yan se inangen niyo, ketegahan niyo te benal se intoladà diyà kenyo kedengan, aw gayed kaw megpesiontong diyà te Timanem.

Galasya 3:4

Eked kepakay aw wedad ontong te kedita neokitan niyo te pegpemenal niyo.

Galasya 3:1

Tay law kenyo menge otaw kidoen te Galasya, iling te wedad inenengen niyo. Impesoway kaw den te menge doma otaw kenà egtolò te kebenalan intoladà ko kenyo kedengan. Impesoway kaw dan pengkey tapay niyo dinineg se intoladà ko kenyo, pengkey tapay ko den sikiyo inindanan tepad te pegkematay i Cristo kidoen te kros.

1 Korinto 15:2

Aw dimasel se pegpemenal niyo, aw nelobos se pedowan niyo, nekelowà kaw den lekat te salà pineokit te pegpemenal niyo te kebenalan intoladà ko kenyo.

Juan 15:6

Aw eked peg-ogpà se otaw diyà kanak, iagbel ko sikandin iling te menge belagen tepoen aw iagbel. Aw melangkay iyan, tiponen aw sonogen.

Juan 15:2

Aw doen metesan belagen kidoen kanak kenà egpongo, yan se tepoen din. Meneng se kedita te belagen egpongo kidoen kanak, yan se linisan din amon labi pa dakel se paras mongo kidoen kenyan.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

1 Korinto 13:2

Pengkey biyasa a egkeliwat te kagi te Timanem, pengkey doen impetaga-taga te Timanem kanak wedà din petega-tegahi diyà te doma otaw, pengkey netegahan ko se kedita te kebenalan, pengkey ontò a egsalig diyà te Timanem aw yan egpekeinang a te kepelahan, meneng aw wedad kedakel te pedowan ko diyà te doma otaw, wedad ontong kanak.

Mar. 6:20

so egsagman si Herod ki Juan, so netegahan din te gayed eg-inang si Juan te metòlid, aw wedad salà ininang din. Yan se doun te eked kepakay diyà kandin aw imetayan si Juan. Egkeibeg si Herod domineg te ipegtoladà i Juan, meneng pegdineg din kenyan, ontò migkebulung se aneng-aneng din.

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.

Luc. 8:12

Na, se benì nesabog diyà te dalan, yan se iling te menge otaw domineg te kagi te Timanem intoladà. Penga niyan, doen inangen i Satanas amon kelibelan dan se kagi te Timanem dinineg dan, so ibeg i Satanas, eked dan pemenal aw eked dan heman pekelowà lekat te salà.

Luc. 8:14

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.