Luc. 8:1 - Manobo Sarangani

¹ Wedà kenamay, miglegeb si Jesus aw timeped te menge lonsod aw doma ogpeanan. Migtoladà sikandin te menge otaw te Mèpiya Indan tepad te peglowan te Timanem. Timaking heman kandin se sempolò teg dowa tinoledaan pinemallì din.

Luc. 8:1 ပူးပေါင်းရင်းမြစ်များ

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Roma 10:15

Wedad heman otaw megtoladà kandan singed aw doen isogò doton kandan. Meneng doen den otaw insogò amon megtoladà kandan, so doen insolat kidoen te kagi te Timanem, “Ontò mèpiya se pegdateng te menge otaw egtoladà te Mèpiya Indan.”

Ininang 13:32

Dimini kay den amon meg-indan kenyo te Mèpiya Indan tepad ki Cristo. Pengkey kemonaan tadon se pinekangan te Timanem,

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Mar. 1:39

Yan timeped sikandin te kedita te lonsod doton te probinsya te Galiliya, aw migtoladà kidoen te menge simbahan te Judiyo, aw impelowà din se menge bosaw lekat te otaw.

Mat. 13:19

Se benì nesabog diyà te dalan, yan se iling te otaw domineg tepad te peglowan te Timanem meneng eked sikandin pekelabet. Penga niyan, doen inangen i Satanas amon kelibelan din se kagi te Timanem dinineg din.

Mat. 11:1

Penga te pegtoladà i Jesus te sempolò teg dowa tinoledaan din, timeped sikandin te menge lonsod medapag amon megtoladà te otaw kidoen.

Mat. 9:35

Nayan, miglegeb si Jesus doton te kedita te lonsod aw doma ogpeanan, aw migtoladà kidoen te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw migpegolì te kedita te otaw doen mesakit.

Luc. 1:80

Timilles si Juan aw ontò sikandin egkeseligan. Pegkedakel din, mig-ogpà sikandin kidoen te kebigtilan lamig te aldaw te pegpekità din diyà te menge bowad-bowad i Israel.

Luc. 9:6

Penga niyan, nesayo dan aw timeped dan te menge lonsod. Pengkey kenan dan pesalo, gayed dan migtoladà te Mèpiya Indan, aw migpegolì dan heman te menge otaw doen mesakit.

Luc. 20:1

Pegtoladà i Jesus te menge otaw netipon kidoen te dakel simbahan, migtoladà sikandin tepad te Mèpiya Indan. Dalem te pegtoladà din, dimateng se menge pengolo te simbahan aw menenoladà te punù aw menge obanen te Judiyo.