Luc. 7:8 - Manobo Sarangani

⁸ Gayed a egtolò te otaw simogò kanak, aw doen heman menge sondalo nesakop diyà kanak. Aw doen sondalo isogò ko, tomolò sikandin. Aw doen doma ipeangay ko, tomolò heman. Aw doen ipeinang ko te sineligan, yan se inangen din.” Yan se kagi te kapitan ingkeliwat dan diyà ki Jesus.

Luc. 7:8 ပူးပေါင်းရင်းမြစ်များ

Luc. 7:7

Yan se doun te wedà a songon kamno, so medanà a diyà kamno. Pengkey mediyò ka pa lekat te balay ko, meneng botong aw olò ka mikagi te kegolian se sineligan ko, so metoman iyan.

Luc. 7:9

Pegdineg i Jesus kenyan, ontò nepela. Penga niyan, miniling sikandin aw minikagi diyà te medita otaw timaking kandin, “Eneng-enengi niyo se kagi ko kenyo. Pengkey kidoen te menge bowad-bowad i Israel, wedad palos otaw netelaan ko simalig kanak iling te pegsalig din.”

Ininang 23:17

Penga niyan, tinawal i Pablo se sebad serhinto aw minikagi, “Ibingi se telaki seini doton te kapitan so doen iindan din.”

Ininang 23:23

Penga niyan, impeangay te kapitan se dowa serhinto, aw minikagi diyà kandan, “Tiponi niyo se dowa gatos sondalo mipanaw, aw kepitowan sondalo somakay te kodà, aw dowa gatos mengibing te dilek amon meketagad dan, so mesayo kaw kwani alas nowibi te delem pesalo doton te Sesarya.

Ininang 23:26

“Siak si Claudio Lisias se simolat kamno Felis ontò melangkaw gobirnador day. Mebohay ka.

Ininang 23:31

Penga te pegsolat din kenyan, timolò se menge sondalo, aw inibing dan si Pablo te delem doton te Antipatriya.

Ininang 24:23

Penga niyan, minikagi si Felis diyà te serhinto te ebey pa tonggoan si Pablo, meneng eked begayi te kelimahan. Mepakay aw leoyen sikandin te menge doma din amon megtabang dan te kandin kepulukan.

Ininang 25:26

Meneng wedà ko ketegahi aw eden se isolat ko diyà te melangkaw pengolo tadon si Cesar tepad te otaw seini. Yan impeangay ko sikandin amon menenalan ka Agripas aw kedita niyo. Penga niyan, indani a aw eden se isolat ko,

Kolasas 3:22

Na, sikiyo menge allang, keilangan ontò kaw tomolò te amo niyo dini lanto te tanà, pengkey eden se punù dan kenyo. Keilangan gayed kaw tomolò, kenà olò dalem te pegtengteng te amo niyo, so kenà olò otaw se keilangan kelubahan niyo. Meneng keilangan melobos se pedowan niyo diyà kandan tandà te pegsagman niyo te Pengolo tadon.