Luc. 7:47 - Manobo Sarangani

⁴⁷ Penenalan ka kanak. Pengkey ontò medita se salà te bayi seini, meneng pigwedad den te Timanem se kedita te salà din, aw yan se doun te impetaga-taga den te bayi te ontò dakel se pedowan din kanak. Meneng simpana kenà medita se salà te otaw pigwedad te Timanem, eked din ontò petega-tegahi te dakel se pedowan din diyà te Timanem.”

Luc. 7:47 ပူးပေါင်းရင်းမြစ်များ

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Luc. 7:46

Wedà ka pegsawol te lana diyà te olo ko amon segmanen a nikaw. Meneng se bayi seini, meelagà se metinadeg intoyong din diyà te benis ko.

Luc. 7:48

Penga niyan, minikagi si Jesus diyà te bayi, “Pigwedad den se salà nikaw.”

Ininang 5:31

Penga niyan, inantay sikandin te Timanem metolos aw ininang din melangkaw doton te langit, so sikandin se lomowan kenitadon aw megpelowà kenitadon lekat te salà. Ibeg din megselsel kaw te salà amon pegwedaden din se salà niyo.

Roma 5:20

Impekeliwat te Timanem se menge punù din ki Moises, amon metaga-taga kidon te ontò dakel se salà ininang tadon. Meneng pengkey dakel se salà ininang tadon, labi pa dakel se tabang te Timanem kenitadon.

2 Korinto 5:14

Tandà te kedakel te pedowan i Cristo kanak, neantag heman se pedowan ko. Netegahan ko den ini, te pegkematay i Cristo, iling te nematay se kedita te otaw, so nematay sikandin inselilin te kedita te otaw, amon eked kidon taking te kenitadon ibeg. Nematay amon tekingan tadon se kandin ibeg, so nematay aw neantay heman sikandin amon megtabang kenitadon.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Efeso 6:24

Ibeg ko tebangan te Timanem se kedita te otaw dakel se pedowan dan diyà te Pengolo tadon si Jesu Cristo te wedad temanan.

Filipos 1:9

Egtawal-tawal a diyà te Timanem tepad kenyo, amon gayed din pedekelen se pedowan niyo, aw amon labi kaw pa megkebiyasa te kebenalan aw metòlid se aneng-aneng niyo,

1 Timoteo 1:14

Meneng songkani, ontò a tinebangan te Pengolo, so nemenal a kandin, aw dakel se pedowan ko kandin tandà te pegsebad ko diyà kandin.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

1 Juan 3:18

Menge batà ko te pegpemenal, wedad ontong aw olò kidon mikagi te dakel se pedowan tadon te doma otaw meneng wedad ketomanan niyan. Keilangan ipekità tadon te benal dakel se pedowan tadon te doma otaw pineokit te tabang tadon kandan.

1 Juan 4:19

Doen dakel pedowan tadon so monà kidon nedekelan te Timanem te pedowan.

1 Juan 5:3

so metaga-taga kidon te dakel se pedowan tadon te Timanem pineokit te pegtolò tadon te menge punù din. Kenà melima se pegtolò tadon te punù din,