Luc. 7:44 - Manobo Sarangani

⁴⁴ Penga niyan, timengteng si Jesus diyà te bayi aw minikagi pa diyà ki Simon, “Eneng-enengi se bayi seini. Pegdateng ko dini te balay no, wedad wayeg imbegay no kanak ionaw te benis ko tepad te ketanem tadon. Meneng se bayi seini, lohà din se in-onaw din te benis ko, aw logay din se inggalis din kenyan.

Luc. 7:44 ပူးပေါင်းရင်းမြစ်များ

Genesis 18:4

Ibingen ko se wayeg ionaw te benis niyo, aw mekeetod kaw dini te kayo seini.

Genesis 19:2

aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”

Genesis 43:24

Impeawop din dan doton te balay i Jose, aw inibing din se wayeg ionaw te benis dan. Impekaen din heman se menge asno dan.

Luc. 7:38

Peg-awop din kidoen te balay, timikelong diyà te benis i Jesus aw migkelag. Impetedak din se lohà diyà te benis din, aw logay din se inggalis kenyan. Gayed egpengadek te benis i Jesus, aw nenoyong heman te lana diyà te benis din.

Luc. 7:43

Timaba si Simon, “Sikandin besi mineles te lima gatos, so labi pa dakel se salà din pigwedad.” Minikagi si Jesus, “Benal se pegtaba nikaw.”

Juan 13:5

Penga niyan, nenoyong sikandin te wayeg diyà te pelenggana, aw mig-onaw te benis te menge tinoledaan din teg sebad-sebad. Miglegalis heman sikandin te benis dan te towalya diyà te pawak din.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

Santiago 2:6

Meneng eglindoan niyo se otaw sagkep, aw egsegmanen niyo se otaw meyaman. Meneng se menge meyaman, yan se otaw egdagan kenyo, aw egpemeibing heman kenyo doton te howis,