Luc. 7:42 - Manobo Sarangani

⁴² Pengkey wedà dan eleg pekebayad te salà dan, meneng pigwedad din se salà te didowa. Na, sinu lay diyà te didowa otaw sìyan se doen ontò dakel pedowan diyà te otaw migpebeles?”

Luc. 7:42 ပူးပေါင်းရင်းမြစ်များ

Kolasas 3:13

Keilangan megpetebangay kaw. Aw doen otaw meg-inang te salà diyà kenyo, keilangan pegwedaden niyo iyan amon megsebad kaw, so keilangan meg-iling kaw te Pengolo tadon te pegwedad din te menge salà ininang niyo.

Efeso 4:32

Meneng keilangan meg-inang kaw te mèpiya, aw megpeidoway kaw. Keilangan pegwedaden niyo se salà ininang te doma otaw diyà kenyo, iling te pegwedad te Timanem te salà ininang niyo tandà te pegkematay i Cristo.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

Roma 5:6

Kedengan te wedà kidon pa pemenal, neallang kidon te salà. Meneng pegdateng te aldaw pinemallì te Timanem, nematay si Cristo amon megpelowà kenitadon egpekesalà.

Roma 3:24

Meneng pineokit te tabang te Timanem, inaneng-aneng din den te metòlid kidon. Yan se imbowang din kenitadon pineokit te pegpelowà i Jesu Cristo kenitadon lekat te salà.

Mat. 18:34

Ontò sikandin neopalan te selotan, aw impekeleboso din sikandin amon ipelumun lamig meimpas se kedakel te salà.”

Mat. 6:12

Pegwedadi se salà ininang day diyà kamno onawa te pegwedad day te salà ininang te doma otaw diyà kenami.

Mat. 18:27

Penga niyan, pigwedad te selotan se salà te otaw sìyan tandà te keido din kandin, aw impelowà din sikandin.

Luc. 7:43

Timaba si Simon, “Sikandin besi mineles te lima gatos, so labi pa dakel se salà din pigwedad.” Minikagi si Jesus, “Benal se pegtaba nikaw.”