Luc. 7:39 - Manobo Sarangani

³⁹ Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Luc. 7:39 ပူးပေါင်းရင်းမြစ်များ

Luc. 7:16

Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Luc. 15:2

Yan se doun te migtindaet se menge Parisiyo aw menenoladà te punù, aw minikagi dan, “Medaet se eg-inangen din, so egsigelaken din se menge otaw egpekesalà aw eglàpang te punù ingkeliwat i Moises. Medaet so egpengaen sikandin doma dan.”

Mar. 7:21

Didalem te pedowan se kelekatan te medaet ibeg te otaw eglayok te kenà kandan esawa, aw egpenakaw, aw egbonò, aw eglakad,

Juan 9:24

Yan todà dan impeangay se otaw negolian te mata din, aw minikagi dan, “Na, peg-indan ka den te benal, so kinità ka den te Timanem. Netegahan day den te limàpang sikandin te punù ingkeliwat i Moises.”

Juan 7:12

Medita se otaw netipon kidoen te pista, aw migpedindilay dan tepad ki Jesus. Doen menge otaw minikagi, “Mèpiya otaw sikandin.” Doen heman menge doma otaw minikagi, “Kenà, so eg-akal sikandin te otaw pineokit te ipegtoladà din.”

Juan 4:19

Minikagi se bayi, “Sir, netegahan ko den te telekeliwat ka insogò te Timanem.

Luc. 18:4

Meneng wedà pegtabang se howis kandin. Nayan, pegkenamay, mig-aneng-aneng se howis, ‘Pengkey kenà a egpenimanem aw kenà a heman egkeido te doma otaw,

Luc. 16:3

Nayan, mig-aneng-aneng se sineligan, ‘Agpet den wedad otaw megtandan kanak. Megmeno a? So kenà botong se keseg ko amon meg-inang a te pawà, aw meyàyà a aw meinang a metipemoyò.

Luc. 7:37

Nayan, doen bayi eg-ogpà kidoen te lonsod sìyan, aw nedengeg sikandin mig-inang te salà. Pegketaga-taga din te kimaen si Jesus kidoen te balay te Parisiyo, dimoton sikandin. Inibing din se lana metinadeg insawol kidoen te deitek botilya.

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Luc. 12:17

Penga niyan, mig-aneng-aneng sikandin, ‘Megmeno a? So wedad den keombaan te pol solanan te ginani ko.

Mat. 20:16

Minikagi heman si Jesus, “Iling heman kenyan, doen otaw medanà songkani ipelangkaw doton te peglowan te Timanem. Doen heman doma otaw melangkaw songkani, meneng meinang dan medanà.”

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Luc. 7:38

Peg-awop din kidoen te balay, timikelong diyà te benis i Jesus aw migkelag. Impetedak din se lohà diyà te benis din, aw logay din se inggalis kenyan. Gayed egpengadek te benis i Jesus, aw nenoyong heman te lana diyà te benis din.

Luc. 7:40

Minikagi si Jesus diyà te Parisiyo, “Simon, doen ikegiyen ko diyà kamno.” Timaba si Simon, “Ee, Sir. Ikegihi a.”