Luc. 7:37 - Manobo Sarangani

³⁷ Nayan, doen bayi eg-ogpà kidoen te lonsod sìyan, aw nedengeg sikandin mig-inang te salà. Pegketaga-taga din te kimaen si Jesus kidoen te balay te Parisiyo, dimoton sikandin. Inibing din se lana metinadeg insawol kidoen te deitek botilya.

Luc. 7:37 ပူးပေါင်းရင်းမြစ်များ

Mat. 21:31

Nayan, indani a niyo. Eden lay betai se timolò te amay din?” Timaba dan, “Kakay se timolò.” Minikagi si Jesus, “Eneng-enengi niyo se kagi ko kenyo seini. Medita den se otaw nekeonà kenyo migpesakop diyà te peglowan te Timanem, pengkey nelegeb dan te salà iling te menge iskribinti aw menge kepoyun.

Luc. 18:13

Meneng pegtawal-tawal te iskribinti, migpekediyò sikandin diyà te menge doma otaw so neyàyà. Wedà heman lengag doton te langit, meneng timikelong sikandin aw dinapì din se kagpa din tandà te pegselsel din, aw minikagi, ‘Timanem, keidowi a bag, so nelegeb a te salà.’

Luc. 19:7

Meneng simila se kedita te otaw kimità kenyan, kagi dan, “Medaet iyan, so midegà sikandin kidoen te balay te otaw nelegeb te salà.”

Luc. 5:30

Meneng doen menge Parisiyo aw menenoladà te punù ingkeliwat i Moises simila te menge tinoledaan i Jesus, kagi dan, “Medaet iyan so kimaen kaw doma te mededaet otaw, menge iskribinti aw doma otaw nelegeb te salà.”

Luc. 5:32

Insogò a dini kenà amon tewalen ko se otaw eg-aneng-aneng te metòlid se eg-inangen dan, meneng insogò a amon indanan ko se otaw mekesesalà te keilangan megselsel dan.”

Luc. 7:34

Pegdini ko Timanem Migpekeotaw, kinità niyo se ketanem ko te gayed a egpengaen aw eg-inem. Meneng kunù wedà kaw penenalan kanak, aw minikagi kaw te legoken a aw metiinem a, aw egsigelaken ko se menge iskribinti aw doma otaw nelegeb te salà.

Luc. 7:36

Doen sebad Parisiyo nemekaen ki Jesus, aw dimoton si Jesus te balay din aw kimaen.

Juan 11:2

Si Maria se migtoyong te lana diyà te benis te Pengolo, aw logay din se inggalis din kenyan. Nesekitan se meama dan si Lazaro.

Juan 9:24

Yan todà dan impeangay se otaw negolian te mata din, aw minikagi dan, “Na, peg-indan ka den te benal, so kinità ka den te Timanem. Netegahan day den te limàpang sikandin te punù ingkeliwat i Moises.”

Juan 9:31

Netegahan tadon te kenà egtebangan te Timanem se otaw eglàpang te punù. Meneng se otaw egsimba te Timanem aw egtolò te ibeg din, yan se egtebangan te Timanem.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

1 Timoteo 1:9

Netegahan tadon heman te doen punù kenà amon segdahen se otaw meg-inang te metòlid, meneng amon segdahen se menge otaw kenà egtolò, aw otaw metugul, aw otaw kenà egpemasa te Timanem, aw nelegeb te salà, aw eg-inang te medaet, aw egtompuyus te mèpiya, aw otaw egpengimatay te amay aw inay dan, aw otaw egbonò.

1 Pedro 4:18

Doen kagi te Timanem insolat, “Pengkey melima se pegkelowà te otaw egtolò te Timanem lekat te pelumun, meneng eked palos pekelowà se otaw egkulu te Timanem aw eg-inang te salà.”