Luc. 7:23 - Manobo Sarangani

²³ Indani niyo heman sikandin te doen keluba te otaw eked pegdowa-dowa te pegsalig din kanak.”

Luc. 7:23 ပူးပေါင်းရင်းမြစ်များ

Mat. 11:6

Indani niyo heman sikandin te doen keluba te otaw eked pegdowa-dowa te pegsalig din kanak.”

Luc. 2:34

Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

Luc. 7:22

Yan se doun te timaba si Jesus, “Likò kaw den doton ki Juan aw indani niyo sikandin te kedita te kinità niyo aw dinineg niyo dini. Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Luc. 7:24

Pegkesayo te otaw insogò i Juan, minikagi si Jesus tepad ki Juan diyà te otaw netipon, kagi din, “Pegdoton niyo te kebigtilan, kenà tigbaw egkedogen te kelamag se pinengemahà niyo.

1 Korinto 2:14

Meneng se otaw kenà egbeyà-beyaan te Espiritu Santo, yan se otaw eked pekekinawà te ibegay te Espiritu Santo, so aneng-aneng din wedad ontong niyan. Eked din iyan kelebeti, so kelebetan iyan olò aw tebangan kidon te Espiritu Santo.