Luc. 7:22 - Manobo Sarangani

²² Yan se doun te timaba si Jesus, “Likò kaw den doton ki Juan aw indani niyo sikandin te kedita te kinità niyo aw dinineg niyo dini. Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Luc. 7:22 ပူးပေါင်းရင်းမြစ်များ

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 21:14

Dimoton se menge otaw bota aw kapig te dakel simbahan, aw pinegolian dan i Jesus.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Luc. 7:21

Dalem te aldaw sìyan, migpegolì si Jesus te medita otaw doen mesakit aw otaw netigdaan aw otaw pigbosawan. Migpegolì heman sikandin te otaw bota amon todà dan komità.

Luc. 7:23

Indani niyo heman sikandin te doen keluba te otaw eked pegdowa-dowa te pegsalig din kanak.”

Juan 1:46

Minikagi si Natanael, “Wedad palos mèpiya lekat te Nasarit.” Minikagi si Felipe, “Ayas ka amon komità ka kandin.”

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 8:7

Doen menge bosaw migpuypuy aw impelowà din lekat te otaw. Pinegolian din heman se menge otaw kenà egpekeiwal aw doma otaw kapig.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.