Luc. 7:19 - Manobo Sarangani

¹⁹ Impeangay i Juan se dowa tinoledaan din, aw insogò din dan doton te Pengolo amon meg-insà dan aw sikandin se ontò insogò te Timanem pinelimanan dan, aw doen pa doma domateng.

Luc. 7:19 ပူးပေါင်းရင်းမြစ်များ

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Mar. 6:7

Doen sebad aldaw migtipon sikandin te sempolò teg dowa tinoledaan din. Imbegay din diyà kandan se tolos amon megpelowà dan te bosaw lekat te otaw, aw insogò din dan teg dowa-dowa doton te menge doma ogpeanan.

Luc. 10:1

Penga niyan, pinemallì te Pengolo se kepitowan teg dowa otaw, aw insogò din dan teg dowa-dowa doton te kedita te lonsod aw ogpeanan agpet dotonan din, amon megpeketagad se kedita te otaw te pegdateng din.

Luc. 11:1

Nayan, doen sebad aldaw migtawal-tawal si Jesus. Penga te pegtawal-tawal din, minikagi se sebad tinoledaan din, “Pengolo, toledai kay megtawal-tawal iling te pegtoladà i Juan Memonyagay diyà te menge tinoledaan din.”

Luc. 11:39

Meneng minikagi se Pengolo, “Sikiyo menge Parisiyo, gayed kaw eg-ingà aw eglalang te medaet. Iling kaw te otaw olò eg-onaw te lowà te baso aw lipong pengkey melipà pa se didalem niyan.

Luc. 12:42

Minikagi si Jesus, “Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay kandan te kànen te kelikit te aldaw.

Luc. 13:15

Minikagi si Jesus diyà kandin, “Tay law. Eden niyo aw egpenimanem kaw. Pengkey aldaw te peg-etod, gayed niyo eg-elinen se baka aw kodà niyo, aw eg-ibingen niyo dan doton te wayeg amon ipeinem niyo.

Luc. 17:5

Minikagi se menge sogounun i Cristo, “Lobosi se pegsalig day diyà kamno.”

Luc. 17:6

Minikagi se Pengolo, “Mikagi a den diyà kenyo te pengkey deitek pa se pegsalig niyo diyà kanak iling te kedeitek te benì te mostasa, mekebatog kaw mikagi diyà te dakel kayo te pispisen din se lawa din aw malin doton te dagat, aw tomolò iyan kenyo.”

Luc. 18:6

Minikagi heman se Pengolo, “Na, eneng-enengi niyo se inikagi te howis, so pengkey kenà egpenimanem, meneng tebangan din se otaw gayed egpemoyò.

Luc. 19:8

Migpedapag si Sakeo diyà ki Jesus aw minikagi, “Pengolo, seini se inangen ko. Ibegay ko se ketengà te kedònan ko diyà te menge otaw nelimahan. Aw migleges a te otaw memegay kanak te kwarta, yan se lintapan ko te mekeepat.”

Luc. 22:61

Miniling si Jesus aw timengteng diyà ki Pedro. Yan neeneng-enengan din se tapay inikagi te Pengolo te ibolon din sikandin te meketelo te eked pa pegkolaak se manok te iselem.

Luc. 24:34

Minikagi se otaw tapay netipon, “Ontò benal neantay se Pengolo lekat te nematay, so migpekità sikandin diyà ki Simon.”

Luc. 7:13

Pegkità te Pengolo te inay te nematay, ontò sikandin neido aw minikagi, “Ikà egkelag.”

Luc. 7:20

Pegdoton dan ki Jesus, minikagi dan, “Insogò kay i Juan amon meg-insà kay kamno aw sikona se ontò insogò te Timanem pinelimanan day, aw doen pa doma domateng.”

Juan 11:2

Si Maria se migtoyong te lana diyà te benis te Pengolo, aw logay din se inggalis din kenyan. Nesekitan se meama dan si Lazaro.

Juan 4:1

Nayan, dinineg te menge Parisiyo te medita se otaw timaking ki Jesus aw binonyagan din labi pa medita diyà te timaking aw binonyagan i Juan Memonyagay.

Juan 4:25

Minikagi se bayi, “Netegahan ko te domateng se Misiyas amon megpelowà kenitadon, sìyan isogò te Timanem iningedanan Cristo. Aw domateng sikandin, lebaden din se kedita te kebenalan diyà kenitadon.”

Juan 6:23

Wedà dan pegkità ki Jesus, meneng doen menge belangay lekat te Tibiryas migdong dapag te tanà kinànan dan te pan impesiontong i Jesus.

Impekità 11:3

Isogò ko doton se dowa otaw menaol te tila sako, so yan se pengilala te keilangan megselsel se menge otaw toledaan dan. Meg-indan dan te kebenalan, aw megkeliwat dan te kagi ko taman te sebad melalan dowa gatos keneman se aldaw.”