Luc. 7:16 - Manobo Sarangani

¹⁶ Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Luc. 7:16 ပူးပေါင်းရင်းမြစ်များ

Mat. 15:31

Nepela se kedita te otaw, so kinità den dan te minikagi den se omo, aw negolian se nepantig, aw minipanaw se kapig, aw kimità den se bota. Yan se doun te dimuyun dan te Timanem egseligan te menge bowad-bowad i Israel.

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Mat. 28:8

Penga niyan, migpekegaen dan se nesayo lekat te lebeng. Pengkey nelemitan dan, meneng ontò heman neluba se pedowan dan. Kimagnan dan amon meg-indan dan kenyan diyà te menge tinoledaan i Jesus.

Mat. 9:8

Pegkità te doma otaw kenyan, ontò dan nelemitan, aw dimuyun dan te Timanem so insogò din si Jesus amon megwedad te salà te otaw.

Luc. 1:65

Nelemitan se kedita te simbalay dan. Ontò iyan nedengeg kidoen te menge bontod doton te Judiya, so yan se pigsempetanen dan.

Luc. 1:68

“Iduyun se Pengolo tadon Timanem egseligan te kedita tadon menge bowad-bowad i Israel, so doen isogò din megpelowà kenitadon menge sakop din, aw imetayan sikandin iselilin kenitadon.

Luc. 19:44

Imetayan kaw dan, aw ontò dan heman pegbàtan se kedakel te lonsod niyo aw gobalen dan heman se kedita te balay niyo. Yan se metoman domateng diyà kenyo so wedà niyo ketegahi te seini se aldaw te pegpelowà te Timanem kenyo.”

Luc. 2:20

Penga niyan, minolì se telediyaga, aw gayed dan induyun se Timanem tandà te kedita te dinineg aw kinità dan, so netoman den se inikagi te anghil kandan.

Luc. 24:19

Minikagi sikandin, “Eden lay se neinang kidoen?” Minikagi dan, “Doen telekeliwat te kagi te Timanem ngadan din si Jesus tege Nasarit. Insogò sikandin te Timanem, aw ontò mèpiya se ininang din aw inikagi din kinità te kedita te otaw.

Luc. 5:26

Ontò nepela se kedita dan, aw induyun dan se Timanem. Nelemitan dan aw migpebelaw-belaway dan, “Sebad indà se kinità tadon seini.”

Luc. 5:8

Si Simon, se doma ngadan din si Pedro, pegkità din kenyan, limongken diyà ki Jesus aw minikagi, “Pengolo, kesayo ka lekat kanak, so nelegeb a te salà.”

Luc. 7:15

Yan neantay se otaw lekat te nematay, aw minenaw, aw minikagi diyà kandan. Penga niyan, inibing sikandin i Jesus doton te inay din.

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Luc. 8:37

Penga niyan, nemoyò se kedita te tege Gerasa te mesayo si Jesus lekat kidoen, so ontò dan nelemitan. Penga niyan, simakay si Jesus te belangay amon molì doton dipag.

Luc. 9:19

Timaba dan, “Medita se otaw eg-ikagi te sikona si Juan Memonyagay. Meneng doen heman eg-ikagi te sikona si Elias. Doen heman eg-ikagi te sikona se sebad telekeliwat te kagi te Timanem gebii neantay den lekat te nematay.”

Juan 1:21

Mig-insà dan, “Sinu ka lay? Si Elias ka lay?” Timaba si Juan, “Kenà ko.” Minikagi dan, “Sikona besi se sìyan doma telekeliwat te kagi te Timanem pinelimanan day.” Timaba sikandin, “Kenà ko.”

Juan 1:25

Mig-insà dan heman, “Aw kenà nikaw se Misiyas megpelowà kenami, aw kenà nikaw heman si Elias limikò dini, aw kenà nikaw heman se sìyan doma telekeliwat te kagi te Timanem egpelimanan day, nengà lay egpemonyag ka?”

Juan 4:19

Minikagi se bayi, “Sir, netegahan ko den te telekeliwat ka insogò te Timanem.

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 9:17

Penga niyan, mig-insà dan diyà te otaw negolì se mata, “Eden lay se kamno aneng-aneng tepad kandin? So kamno mata se pinegolì din.” Timaba sikandin, “Telekeliwat sikandin te kagi te Timanem.”

Ininang 5:5

Pegdineg i Ananias te kagi i Pedro, netongan sikandin aw nematay. Penga niyan, ginakes te menge telaki se lawa din, aw kinelalang dan iyan doton te lowà, aw inlebeng dan. Ontò nelemitan se kedita te otaw kimità kenyan.

Ininang 7:37

Si Moises se mig-indan diyà te menge bowad-bowad i Israel te doen kwani sebad kedomaan dan inangen te Timanem telekeliwat te kagi din iling te pegsogò din ki Moises.

Galasya 1:24

Yan se doun te dimuyun dan te Timanem, so nemenal a den ki Jesu Cristo.