Luc. 6:8 - Manobo Sarangani

⁸ Meneng netegahan i Jesus se aneng-aneng dan, aw minikagi diyà te otaw nekepis se belad, “Tindeg ka, aw diyà ka kanak.” Penga niyan, timolò se otaw ki Jesus aw dimoton kandin.

Luc. 6:8 ပူးပေါင်းရင်းမြစ်များ

Mat. 9:4

Meneng netegahan i Jesus aw eden se aneng-aneng dan, aw minikagi sikandin, “Nengà lay eg-aneng-aneng kaw te medaet?

Mar. 3:3

Minikagi si Jesus diyà te otaw nekepis se belad, “Diyà ka kanak.”

Luc. 13:12

Pegkità i Jesus kandin, timawal sikandin, kagi din, “Tiyà, kegolian ka den.”

Luc. 5:22

Meneng netegahan i Jesus aw eden se pigbelaw-belaway dan, aw minikagi sikandin, “Nengà lay egdowa-dowa se aneng-aneng niyo?

Luc. 6:9

Minikagi si Jesus diyà te otaw timengteng kandin, “Doen insà ko kenyo tepad te punù ingkeliwat i Moises. Eden lay se mepakay inangen tadon te aldaw te peg-etod? Meg-inang kidon lay te mèpiya, aw meg-inang kidon te medaet? Megtabang kidon lay te doma otaw, aw mengimatay kidon te doma?”

Juan 2:25

so netegahan din aw eden se awop te pedowan te kedita te otaw. Pengkey wedad mig-indan kandin tepad te awop te pedowan te otaw, meneng netegahan din den iyan, so tapay din netegahan aw eden se pedowan te otaw.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Juan 9:4

Dalem te doen pa aldaw, keilangan inangen tadon se ibeg te Timanem simogò kanak, so wedad meketerbaho te delem.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Ininang 26:26

so netegahan te selotan se kedita niyan. Wedà a pegketalaw te peg-ikagi ko kandin, so netegahan din te benal se kedita te inikagi ko, so wedà iyan keinang doton te kesikmihan.

Filipos 1:28

Ibeg ko heman metaga-taga a te eked kaw palos kelemitan te menge otaw egpoon kenyo, pengkey eden se medaet inangen dan kenyo. Aw eked kaw kelemitan kandan, yan se pengilala te ipelumun dan kwani te Timanem, meneng ipelowà kaw din lekat te pelumun. Yan se pengilala ipekità te Timanem diyà kandan.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

1 Pedro 4:1

Timayod si Cristo te kelimahan te pegdini din te lanto te tanà. Yan aw detengan kaw te kelimahan, keilangan meg-aneng-aneng kaw tepad te pegtayod din te kelimahan. Aw meketayod se otaw te kelimahan, yan se pengilala te kimulu den sikandin meg-inang te salà,

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.