Luc. 6:45 - Manobo Sarangani

⁴⁵ Iling heman kenyan se otaw. Aw mèpiya se pedowan te otaw, mèpiya heman se eg-inangen din. Meneng aw medaet se pedowan te otaw, medaet heman se eg-inangen din. Aw mikagi se otaw, yan ipetaga-taga din aw eden se awop te pedowan din.”

Luc. 6:45 ပူးပေါင်းရင်းမြစ်များ

Efeso 4:29

Ikà niyo palos eg-ikagi te medaet diyà te doma otaw. Meneng keilangan mèpiya se ikegiyen niyo diyà te doma otaw amon megkagsen dan aw ketebangan dan pineokit te kagi niyo. Aw meketepad se kagi niyo, yan ketebangan se otaw domineg kenyo.

Juan 7:38

Aw memenal se otaw kanak, metoman diyà kandin se kagi te Timanem insolat, ‘Kidoen te pedowan din, tomebol se wayeg mekebegay te kaling pedowan wedad temanan.’”

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Kolasas 4:6

Keilangan mèpiya se eg-ikegiyen niyo diyà te kedita te otaw amon meibeg dan menenalan te kagi niyo. Pegpeketagad kaw amon meketaba kaw te kedita te otaw doen insà kenyo.

Menge Hebreo 8:10

Minikagi heman se Timanem, “Iling kani se kaling peokit inangen ko te menge bowad-bowad i Israel te modi aldaw. Ipeaneng-aneng ko kandan se menge punù ko amon eked dan iyan kelibeli. Iling te isolat ko se menge punù ko kidoen te pedowan dan amon meibeg dan tomolò kenyan. Penga niyan, siaken se Timanem simbahen dan, aw sikandan se otaw ipaten ko.

Efeso 5:19

Yan aw metipon kaw, pegdelangan kaw tandà te keluba te pedowan niyo, amon iduyun se Pengolo tadon.

Ininang 5:3

Nayan, minikagi si Pedro, “Pigbayà-bayà ka i Satanas. Ibeg no peden megkebolalaw ka diyà te Espiritu Santo. Kenà nini se kedakel te keelagà te tanà imbeligyà nikaw.

Judas 1:15

Okomen din se kedita te otaw, aw ipelumun din se otaw wedà pegpesakop diyà kandin. Ipelumun din se otaw nekesalà tandà te ontò medaet ininang dan, aw tandà te medaet inikagi dan tepad kandin.”

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.