Luc. 6:40 - Manobo Sarangani

⁴⁰ Wedad heman meiskwilahay labi pa biyasa diyà te meistro din. Meneng penga te peg-iling din te kedita, onawa se kebiyasa din aw kebiyasa te meistro din.

Luc. 6:40 ပူးပေါင်းရင်းမြစ်များ

Juan 13:16

Eneng-enengi niyo se kagi ko kenyo. Se sineligan, kenà melangkaw diyà te amo din. Se sogounun, kenà heman melangkaw diyà te otaw simogò kandin.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Mat. 23:15

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so ontò kaw measeb meglegeb te mediyò amon megsakop te pengkey olò sebad se otaw, aw pineokit te pegtoladà niyo kandin, meinang sikandin labi pa medaet diyà kenyo, aw ipedeleg niyo sikandin doton te kilot.

Luc. 6:41

“Mola niyo egkitaen se sagbet kidoen te mata te doma niyo, meneng wedà niyo ketegahi te doen batang kidoen te kenyo mata.